Punjab Patiala Pitbull Dog Attack News: પંજાબના પટિયાલા જિલ્લામાં પિટબુલ ડોગના હુમલાની ચોંકાવનારી ઘટના સામે આવી છે. ઘુમ્મણ નગર વિસ્તારમાં મકાન જોવા માટે ગયેલા એક દંપતી પર અચાનક પિટબુલે હુમલો કરી દીધો હતો. આ સમગ્ર ઘટના નજીકના કેમેરામાં કેદ થઈ હોવાનું સામે આવ્યું છે. મળતી માહિતી મુજબ, પિટબુલે આશરે એક મિનિટથી વધુ સમય સુધી બંને પર હુમલો કર્યો હતો અને દંપતીને કુલ 26 વખત કરડ્યાનો દાવો કરવામાં આવી રહ્યો છે.
મકાન જોવા પહોંચ્યા હતા દંપતી
મળતી માહિતી અનુસાર, દંપતી એક પ્રોપર્ટી ડીલર સાથે પંજાબના (Punjab) ઘુમ્મણ નગર વિસ્તારમાં મકાન જોવા પહોંચ્યું હતું. તેઓ મકાનના ગેટ પાસે પહોંચ્યા બાદ ગેટ ખોલવાનો પ્રયાસ કરી રહ્યા હતા. આ દરમિયાન અચાનક અંદરથી પિટબુલ દોડીને બહાર આવ્યો અને તેણે મહિલા પર હુમલો કરી દીધો હતો. મહિલાએ બચવાનો પ્રયાસ કર્યો હતો, પરંતુ કૂતરાએ તેને પકડી લીધી હતી.
પત્નીને બચાવવા જતા પતિ પર પણ હુમલો
પત્ની પર હુમલો થતાં પતિ તેને બચાવવા માટે આગળ આવ્યો હતો. જોકે, પંજાબના (Punjab) પિટબુલે પતિ પર પણ હુમલો કરી દીધો હતો. અચાનક બનેલી આ ઘટનાથી આસપાસના વિસ્તારમાં અફરાતફરી મચી ગઈ હતી. દંપતીને બચાવવા માટે આસપાસના લોકો પણ દોડી આવ્યા હતા.
લાકડી-ડંડાથી કૂતરાને દૂર કરવાનો પ્રયાસ
ઘટનાના વીડિયોમાં આસપાસના લોકો પિટબુલને દંપતીથી દૂર કરવાનો પ્રયાસ કરતા જોવા મળે છે. કેટલાક લોકોએ લાકડી અને ડંડાથી કૂતરાને દૂર કરવાની કોશિશ કરી હતી. જોકે, કૂતરો(Punjab) લાંબા સમય સુધી દંપતીને છોડતો નહોતો. ભારે જહેમત બાદ લોકોને પિટબુલને બંનેથી અલગ કરવામાં સફળતા મળી હતી.
⚠️ DISTURBING VISUALS
Husband and wife out house-hunting in Patiala mauled by a pit bull after it slipped out of the very property they had come to see in Ghuman Nagar
Even the owner and neighbours appeared helpless trying to stop the attack
They’ve suffered multiple bite… pic.twitter.com/4epQfJgs72
— Nabila Jamal (@nabilajamal_) August 12, 2026
પતિ-પત્નીને ગંભીર ઈજાઓ
હુમલામાં પતિ અને પત્ની બંને ગંભીર રીતે ઘાયલ થયા હતા. પીડિત અંકિત સભરવાલના જણાવ્યા મુજબ, તેમના શરીર પર અનેક જગ્યાએ ઈજાઓ થઈ છે અને ટાંકા પણ આવ્યા છે. જ્યારે તેમની પત્નીના હાથ અને પગમાં ગંભીર ઈજાઓ થતાં સર્જરી કરાવવી પડી હોવાનું તેમણે જણાવ્યું છે. હાલ તેમની પત્નીને તબીબી દેખરેખ હેઠળ રાખવામાં આવી છે.
પીડિતે ન્યાયની માગ કરી
અંકિત સભરવાલે સમગ્ર ઘટના અંગે પોતાની વ્યથા વ્યક્ત કરતા જણાવ્યું કે તેઓ પત્ની સાથે ભાડે રહેવા માટે મકાન જોવા ગયા હતા. ગેટ ખોલ્યા બાદ અચાનક કૂતરાએ બંને પર હુમલો કર્યો. તેમણે જણાવ્યું કે કૂતરાના માલિક દ્વારા તેને રોકવાનો પ્રયાસ કરવામાં આવ્યો હોવા છતાં હુમલો અટક્યો નહોતો. પીડિતે સમગ્ર મામલે ન્યાયની માગ કરી છે.
ઘટના બાદ તપાસનો મામલો
હાલ આ ઘટનાનો વીડિયો (Punjab) સામે આવ્યા બાદ સમગ્ર મામલો ચર્ચામાં આવ્યો છે. દંપતીને સારવાર માટે હોસ્પિટલમાં ખસેડવામાં આવ્યું હતું. હુમલાની સમગ્ર પરિસ્થિતિ અને કૂતરાના માલિકની જવાબદારી અંગે સંબંધિત તંત્ર દ્વારા તપાસ કરવામાં આવી રહી છે. ઘટનાએ રહેણાંક વિસ્તારોમાં આક્રમક કૂતરાઓની સુરક્ષા અને પાલન અંગે પણ સવાલો ઉભા કર્યા છે.
