ઝારખંડ : રાહુલ ગાંધી પર ગૃહમંત્રી અમિત શાહ વિરુદ્ધ વિવાદાસ્પદ ટિપ્પણી કરવાનો આરોપ છે. આ સંબંધિત માનહાનિ કેસની સુનાવણી રાંચીની કોર્ટમાં થશે. અમિત શાહને નિશાન બનાવતી તેમની કથિત વાંધાજનક ટિપ્પણીને લઈને કોંગ્રેસ નેતા રાહુલ ગાંધી વિરુદ્ધ 2018ના માનહાનિ કેસની સુનાવણી શુક્રવારે અહીંની એક MP-ધારાસભ્ય કોર્ટે મુલતવી રાખી હતી. રાહુલ ગાંધીના વકીલ કાશી પ્રસાદ શુક્લાએ જણાવ્યું હતું કે એક વકીલના અવસાનને કારણે શુક્રવારે કોર્ટમાં શોકસભા યોજાઈ હોવાના કારણે સુનાવણી 18 જૂન સુધી મુલતવી રાખવામાં આવી હતી. જો કે આજે રાંચીની હાઈકોર્ટમાં અમિતશાહ વિરુદ્ધ કરેલ ટિપ્પણીને લઈને સુનાવણી હાથ ધરવામાં આવશે.
કોંગ્રેસ નેતા ફેબ્રુઆરીમાં માનહાનિના કેસમાં કોર્ટમાં હાજર થયા હતા અને તેમને જામીન મળી ગયા હતા. ગાંધી વિરૂદ્ધ ફરિયાદ ભાજપના નેતા વિજય મિશ્રાએ નોંધાવી હતી . ગયા ડિસેમ્બરમાં કોર્ટે ગાંધી વિરુદ્ધ વોરંટ જારી કર્યું હતું. ત્યારબાદ, કોંગ્રેસ નેતાએ 20 ફેબ્રુઆરીએ અમેઠીમાં તેમની ભારત જોડો ન્યાય યાત્રા અટકાવી , કોર્ટમાં હાજર થયા, અને તેમને જામીન આપવામાં આવ્યા.
જણાવી દઈએ કે કર્ણાટકની ચૂંટણી દરમિયાન તે વર્ષના મે મહિનામાં બેંગલુરુમાં એક પ્રેસ કોન્ફરન્સમાં શાહ વિરુદ્ધ કરેલી કથિત વાંધાજનક ટિપ્પણી બદલ ગાંધી વિરુદ્ધ 4 ઓગસ્ટ, 2018ના રોજ ફરિયાદ દાખલ કરવામાં આવી હતી. અન્ય એક કેસમાં ઝારખંડ હાઈકોર્ટે અમિતશાહ સામેના માનહાનિના કેસમાં કોંગ્રેસ નેતા રાહુલ ગાંધી પર 1000 રૂપિયાનો દંડ ફટકાર્યો છે. જસ્ટિસ અનિલ ચૌધરીની કોર્ટે રાહુલ ગાંધી પર દંડ ફટકાર્યો છે. જો કે રાહુલ ગાંધીને રાહત ચાલુ રહેશે. નિર્ધારિત સમયમાં જવાબ દાખલ ન કરવા બદલ કોર્ટે આ દંડ ફટકાર્યો છે. 27 ફેબ્રુઆરી 2024ના રોજ ભાજપ કાર્યકર પ્રતાપ કટિયારની અરજી પર એમપી ધારાસભ્ય કોર્ટ ચાઈબાસાએ તત્કાલિન ભાજપ અધ્યક્ષ અમિત શાહ વિરુદ્ધ વાંધાજનક ટિપ્પણીના કેસમાં રાહુલ ગાંધી વિરુદ્ધ બિનજામીનપાત્ર વોરંટ જારી કર્યું હતું. રાહુલ ગાંધીએ વ્યક્તિગત પ્રતિરક્ષા માટે અરજી કરી હતી, પરંતુ ટ્રાયલ કોર્ટે તેને 14 માર્ચ, 2024 ના રોજ ફગાવી દીધી હતી અને રાહુલ ગાંધીને 27 માર્ચે વ્યક્તિગત રીતે કોર્ટમાં હાજર રહેવા કહ્યું હતું.
આ પણ વાંચો: રવિવારે રજા મેળવવા ભારતીયોનો રહ્યો છે લાંબો સંઘર્ષ…
આ પણ વાંચો: અપહરણ, ખંડણી અને હત્યા… મેરઠનો ચકચાર મચાવતો કિસ્સો
