Chhota Udepur News: છોટાઉદેપુર જિલ્લામાં મેઘરાજાએ ધમાકેદાર એન્ટ્રી કરતાં અનેક વિસ્તારોમાં વરસાદી માહોલ જામ્યો છે. સંખેડા પંથક સહિત આસપાસના ગામોમાં વરસાદ વરસતા લાંબા સમયથી ચાલી રહેલા ઉકળાટ અને ગરમીમાંથી લોકોને રાહત મળી છે.
છોટાઉદેપુરમાં વરસાદ (Rain)થી લોકોને મળી ગરમીથી રાહત
સંખેડા તેમજ આજુબાજુના વિસ્તારોમાં ધીમીધારે શરૂ થયેલો વરસાદ બાદમાં અનેક સ્થળોએ સારો વરસાદ નોંધાયો હતો. વરસાદના કારણે વાતાવરણમાં ઠંડક પ્રસરી ગઈ હતી અને લોકોને ગરમીમાંથી રાહત મળી હતી. અનેક વિસ્તારોમાં રસ્તાઓ અને નીચાણવાળા વિસ્તારોમાં પાણી ભરાઈ જવાના દૃશ્યો પણ જોવા મળ્યા હતા. રેલવે ગરનાળાઓમાં પણ વરસાદી પાણી ભરાતા સ્થાનિકોએ સાવચેતી રાખવાની ફરજ પડી હતી. બીજી તરફ બોડેલી, જબુગામ અને કોસીંદ્રા સહિતના વિસ્તારોમાં ધોધમાર વરસાદ વરસતા સમગ્ર વિસ્તારમાં ખુશીનો માહોલ જોવા મળ્યો હતો. લાંબા સમયથી વરસાદની રાહ જોઈ રહેલા ખેડૂતોમાં મેઘરાજાની એન્ટ્રી બાદ ખુશીની લહેર ફરી વળી છે.
વરસાદથી ખેડૂતોમાં આનંદ
ખેડૂતોનું માનવું છે કે હાલ પડેલો વરસાદ વાવણી માટે અનુકૂળ સાબિત થશે. ખાસ કરીને કપાસ, મકાઈ અને અન્ય ખરીફ પાકોની વાવણી માટે આ વરસાદ લાભદાયી બનશે. વરસાદથી જમીનમાં ભેજનું પ્રમાણ વધતાં ખેતીની કામગીરીને વેગ મળશે તેવી આશા વ્યક્ત કરવામાં આવી રહી છે.
જિલ્લાના અનેક વિસ્તારોમાં વરસાદી માહોલ સર્જાતા પ્રકૃતિ પણ ખીલી ઉઠી છે. હવામાનમાં આવેલા આ બદલાવથી સામાન્ય નાગરિકોથી લઈને ખેડૂતો સુધી સૌમાં આનંદનો માહોલ જોવા મળી રહ્યો છે.
Rain, ChhotaUdepur, GujaratMonsoon, Sankheda, Bodeli
આ પણ વાંચો:અમરેલી, છોટાઉદેપુરમાં વરસાદની ધમાકેદાર એન્ટ્રી
આ પણ વાંચો:છોટાઉદેપુર જિલ્લા કલેક્ટરનો ફરજ સાથે માનવતાનો પરિચય
આ પણ વાંચો:છોટાઉદેપુરના ક્વાંટના ખાટિયાવાંટ ગામે ભાઈએ ભાઈની કરી હત્યા
