બહુજન સમાજ પાર્ટી રાજસ્થાનનાં 6 ધારાસભ્યોએ આજે સત્તાવાર રીતે કોંગ્રેસનું સભ્યપદ લીધું છે. આ તમામ ધારાસભ્યો ગયા વર્ષે સપ્ટેમ્બરમાં કોંગ્રેસમાં જોડાયા હતા, ત્યારબાદ આ તમામ ધારાસભ્યો કોંગ્રેસ અધ્યક્ષ સોનિયા ગાંધીને મળ્યા હતા અને સત્તાવાર રીતે કોંગ્રેસ પાર્ટીનું સભ્યપદ લીધું હતું. જણાવી દઇએ કે આ તમામ ધારાસભ્યોએ કોંગ્રેસની સરકારને બહારથી ટેકો આપ્યો હતો, પરંતુ બાદમાં આ લોકો કોંગ્રેસમાં જોડાયા હતા.
જે ધારાસભ્યો આજે સત્તાવાર રીતે કોંગ્રેસમાં સામેલ થયા છે તે છે રાજેન્દ્ર ગુઢા જે ઉદેયપુરવાટીનાં ધારાસભ્ય છે, જોગેન્દ્રસિંહ અવાના જે નદબઈનાં ધારાસભ્ય છે, વજીબ અલી જે નગરનાં ધારાસભ્ય છે, લાખનસિંહ મીણા જેઓ કરોલીનાં ધારાસભ્ય છે, સંદીપ યાદવ છે જે તિજારાનાં ધારાસભ્ય છે, કિશનગઢબાસથી દીપચંદ ખેરિયા છે.
નોંધપાત્ર વાત એ છે કે, રાજસ્થાન વિધાનસભા ચૂંટણી 2018 માં કોંગ્રેસને કુલ 99 બેઠકો મળી હતી. ભાજપને 73 બેઠકો મળી હતી. કોંગ્રેસ એકમાત્ર મોટી પાર્ટી તરીકે ઉભરી હતી, પરંતુ બહુમતીથી એક બેઠક ઓછી રહી ગઈ હતી. કોંગ્રેસે ત્યારબાદ બસપા અને અપક્ષ ધારાસભ્યોની મદદથી સરકાર બનાવી લીધી હતી. બહુજન સમાજ પાર્ટીનાં છ ધારાસભ્યો કોંગ્રેસમાં સામેલ થયા બાદ ગેહલોત સરકાર પોતાના દમ પર સંપૂર્ણ બહુમતીવાળી સરકાર બની.
નીચે આપેલી લીંક પર ક્લિક કરીને જોડાવ મંતવ્ય ન્યૂઝ સાથે…
તમે અમને ફેસબુક, ટ્વીટર, ઇન્સ્ટાગ્રામ અને યુ ટ્યુબ પર પણ લાઇક અને ફોલો કરી શકો છો.
લેટેસ્ટ ન્યૂઝ અપડેટ્સ આપના ફોન પર સૌથી ઝડપી મેળવવા માટે આજે જ ડાઉનલોડ કરો “મંતવ્ય ન્યૂઝ” ની નવી મોબાઇલ એપ્લિકેશન.
