Rajkot News: રાજકોટના જામનગર રોડ પર ભોમેશ્વર વિસ્તારમાં 14 વર્ષની સગીરા સાથે કથિત દુષ્કર્મ અને જાતીય સતામણીનો (Rajkot Minor Girl Case) ગંભીર મામલો સામે આવ્યો છે. પરિવારની ફરિયાદ મુજબ, પાડોશી દંપતીએ સગીરાનું શોષણ કર્યું હતું. આ કેસમાં પત્ની પર ઘટનાનો વીડિયો ઉતારવાનો અને બાદમાં સગીરાના પરિવાર સુધી પહોંચાડવાનો પણ આરોપ છે. ગાંધીગ્રામ પોલીસે પોક્સો સહિતની (Rajkot POCSO Case) કલમો હેઠળ ફરિયાદ નોંધી તપાસ શરૂ કરી છે.

Rajkot Minor Girl Case: સગીરાના પરિવારની ફરિયાદ બાદ મામલો સામે આવ્યો

ફરિયાદ અનુસાર, સગીરાના માતા-પિતા વતન ગયા હતા ત્યારે આરોપી દંપતીએ તેનો ગેરલાભ ઉઠાવ્યો હતો. જુલાઈ મહિનામાં પત્ની મંજુએ સગીરાને પોતાના ઘરે બોલાવી હતી. ત્યાં તેના પતિ મહેશસિંગે સગીરા સાથે બળજબરી કરી હોવાનો આરોપ છે. ફરિયાદમાં એવો પણ ઉલ્લેખ છે કે દંપતી સગીરાને કારમાં લઈ ગયું હતું, જ્યાં તેની સાથે જાતીય સતામણી કરવામાં આવી હતી. આ ઘટનાનો વીડિયો પત્નીએ પોતાના મોબાઇલમાં ઉતાર્યો હોવાનો આક્ષેપ કરવામાં આવ્યો છે.

પતિ-પત્ની વચ્ચેના વિવાદ બાદ વીડિયો પરિવાર સુધી પહોંચ્યો

આરોપી દંપતી વચ્ચે વિવાદ થયા બાદ પત્ની મંજુ મધ્યપ્રદેશમાં પોતાના પિયર જતી રહી હતી. ફરિયાદ મુજબ, ત્યારબાદ તેણે સગીરાના ભાઈનો સંપર્ક કરીને વીડિયો મોકલ્યો હતો. પરિવારને ઘટનાની જાણ થતાં તેમણે પોલીસનો સંપર્ક કર્યો હતો.

ગાંધીગ્રામ પોલીસે તપાસ શરૂ કરી

પરિવારની ફરિયાદના આધારે ગાંધીગ્રામ પોલીસે આરોપી (Gandhigram Police Station) દંપતી સામે પોક્સો અને અપહરણ સહિતની કલમો હેઠળ ગુનો નોંધ્યો છે. પોલીસ તપાસ દરમિયાન આરોપી મહેશસિંગ સગીરાની મોટી બહેનને પણ ભગાડી ગયો હોવાનો આક્ષેપ સામે આવ્યો છે. હાલ પોલીસ સમગ્ર મામલે વધુ તપાસ કરી રહી છે. આરોપો અંગે અંતિમ નિષ્કર્ષ તપાસ અને કાનૂની પ્રક્રિયા બાદ જ આવશે.

આ પણ વાંચો: સુરતમાં 8 વર્ષની બાળકી સાથે દુષ્કર્મ, પોલીસની ઝડપી કાર્યવાહીમાં આરોપી ઝડપાયો

આ પણ વાંચો: સગીરાને મદદના બહાને લઈ ગયા બે યુવકો, દુષ્કર્મના આરોપ બાદ નહેરમાં ધકેલી

આ પણ વાંચો: અમદાવાદના રામોલમાં 12 વર્ષની સગીરા પર મોટાબાપુએ જ આચર્યું દુષ્કર્મ, પોલીસે કરી ધરપકડ