Rajkot News:રાજકોટ-મોરબી હાઈવે પર કાલીપાટ ગામ પાસે મધ્યરાત્રિ દરમિયાન બે કાર વચ્ચે ભયાનક અકસ્માત (Accident) થયો છે. આ ગમખ્વાર ઘટનામાં 2 નિર્દોષ બાળકોના મોત થયા છે, જ્યારે 4 અન્ય લોકો ગંભીર રીતે ઈજાગ્રસ્ત થયા છે.આ ઘટના મોડી રાત્રે (મધ્યરાત્રિના સમયે) રાજકોટ-મોરબી હાઈવે પર કાલીપાટ ગામ તરફ બની હતી. પ્રાથમિક માહિતી અનુસાર, બંને કારમાંથી એક અથવા બંને વાહનો અત્યંત ઊંચી ઝડપે ચાલી રહ્યા હોવાનું અનુમાન છે. એક કારે બીજી કારને જોરદાર ટક્કર મારી, જેના કારણે બંને વાહનોને ભારે નુકસાન થયું છે.
અકસ્માત (Accident) માં બાળકોનો ગયો જીવ
અકસ્માત એટલો ભયાનક હતો કે ઘટનાસ્થળે જ બે બાળકોના મોત થઈ ગયા હતા.અકસ્માત (Accident) થતાની સાથે જ આસપાસના ગ્રામજનો અને લોકોના ટોળા ઘટનાસ્થળે ઉમટી પડ્યા હતા. સ્થાનિક લોકોએ તાત્કાલિક રીતે ઈજાગ્રસ્તોને નજીકની હોસ્પિટલમાં ખસેડ્યા હતા. મૃતકોના મૃતદેહને પોસ્ટમોર્ટમ (PM) માટે ખસેડવામાં આવ્યા છે અને PM પૂર્ણ થયા બાદ પરિજનોને સોંપવામાં આવશે.
રાજકોટ ગ્રામ્ય પોલીસે આ અકસ્માત (Accident) ના ઘટનાસ્થળે પહોંચીને આસપાસના CCTV કેમેરાની ફૂટેજ મેળવ્યા છે અને તેની તપાસ શરૂ કરી છે. પોલીસને શંકા છે કે ફુલ સ્પીડ અને બેફામ ડ્રાઇવિંગને કારણે આ દુર્ઘટના બની છે. વધુ તપાસ ચાલુ છે અને ડ્રાઇવરોની ભૂમિકા તપાસવામાં આવી રહી છે.
આ પણ વાંચો:અમદાવાદના દૂધેશ્વર રોડ પર BRTS બસ સ્ટેન્ડ પાસે કારનો અક્સ્માત
આ પણ વાંચો:જામનગરમાં ગોઝારા અકસ્માતથી યુવાનનું મોત
આ પણ વાંચો:સાપુતારામાં લક્ઝરી બસ ખીણમાં ખાબકી, બે બાળકોના કરૂણ મોત, 45 ઇજાગ્રસ્ત
