સનરાઇઝર્સ હૈદરાબાદ (SRH) સ્પિનર રાશિદ ખાને IPL 2021 નાં બીજા તબક્કાની શરૂઆત પહેલા મોટી પ્રતિક્રિયા આપી છે. તેમણે કહ્યું છે કે, સનરાઇઝર્સ હૈદરાબાદની ટીમ બીજા તબક્કાની તમામ મેચો ફાઇનલ તરીકે લેશે, તો જ તેઓ પ્લેઓફમાં પોતાનું સ્થાન બનાવી શકશે.
આ પણ વાંચો – Cricket / ધોની બાદ CSK નાં કેપ્ટન કોણ હશે? રવિન્દ્ર જાડેજાએ આપ્યો એવો જવાબ કે Twitter પર થયો ટ્રોલ
IPL 2021 નાં પ્રથમ તબક્કામાં સનરાઇઝર્સ હૈદરાબાદનું પ્રદર્શન ઘણું નિરાશાજનક રહ્યું હતું. હૈદરાબાદની ટીમ પ્રથમ ચરણમાં સાતમાંથી માત્ર એક મેચ જીતવામાં સફળ રહી હતી. આઈપીએલ 2021 પોઈન્ટ ટેબલમાં સનરાઈઝર્સ હૈદરાબાદ અત્યારે છેલ્લા સ્થાને છે. જો તેમને પ્લેઓફમાં પહોંચવું હોય તો તેમણે તમામ મેચ જીતવી પડશે. SRH ટીમ 22 સપ્ટેમ્બરે દિલ્હી કેપિટલ્સ સામેની મેચ સાથે IPL 2021 નાં બીજા તબક્કામાં પોતાના અભિયાનની શરૂઆત કરશે. રાશિદ ખાને કહ્યું કે, ટીમ સંપૂર્ણપણે એકસાથે છે અને તે દરેક મેચ જીતવાનો પ્રયત્ન કરશે. સનરાઇઝર્સ હૈદરાબાદનાં સત્તાવાર ટ્વિટર એકાઉન્ટ પર શેર કરેલા વીડિયોમાં તેમણે કહ્યું, “ચોક્કસપણે ટીમ બાકીની મેચોમાં સારો દેખાવ કરવાનો પ્રયાસ કરશે. પહેલા હાફમાં અમારું પ્રદર્શન એટલું સારું નહોતું પરંતુ આ વખતે અમે એક થયા છીએ અને દરેક મેચ ફાઇનલ સમજીને રમીશું અને અમારું 100 ટકા આપીશું.
આ પણ વાંચો – અલવિદા / ટી20 માં કેપ્ટન તરીકે કોહલીએ બનાવ્યા છે વિરાટ રેકોર્ડ, નવા કેપ્ટન માટે રહેશે મોટો પડકાર
રાશિદ ખાને યુએઈમાં સારું પ્રદર્શન કરવાની આશા વ્યક્ત કરી હતી. તેમણે કહ્યું કે, ધ હન્ડ્રેડ એન્ડ વિટાલિટી બ્લાસ્ટમાં સારા પ્રદર્શન બાદ તેમનો આત્મવિશ્વાસ વધ્યો છે. રાશિદ ખાને કહ્યું, “ખેલાડીઓ સાથે પાછા ફરવું ખૂબ જ સારું લાગે છે અને બાકીની સીઝન માટે હું ખૂબ જ ઉત્સાહિત છું. મેં હન્ડ્રેડ એન્ડ વિટાલિટી બ્લાસ્ટમાં સારું પ્રદર્શન કર્યું હતું અને તેથી જ હું અહીં પણ સારું કરવા માટે આતુર છું. ” અગાઉ, સનરાઇઝર્સ હૈદરાબાદનાં કેપ્ટન કેન વિલિયમસને કહ્યું હતું કે પહેલા હાફમાં ખરાબ પ્રદર્શન છતાં ખેલાડીઓમાં ઉત્સાહ છે. તેમણે બીજા તબક્કાની મેચોમાં વધુ સારા પ્રદર્શનની આશા વ્યક્ત કરી હતી. આપને જણાવી દઈએ કે, કેન વિલિયમસનને IPL 2021 ની મધ્યમાં સનરાઈઝર્સ હૈદરાબાદનો કેપ્ટન બનાવવામાં આવ્યો હતો.
