Rishabh Pant News: એશિયા કપ 2022માં ભારતે પોતાની પ્રથમ મેચ જીતી લીધી છે. હવે ભારત આજની મેચમાં હોંગકોંગને હરાવીને ટોપ 4માં પોતાનું સ્થાન નિશ્ચિત કરવા ઈચ્છશે. પાકિસ્તાન સામેની મેચમાં ટીમનો એક નિર્ણય આશ્ચર્યજનક હતો કે ઋષભ પંતની જગ્યાએ દિનેશ કાર્તિક આવ્યો હતો. પ્રેસ કોન્ફરન્સ દરમિયાન જ્યારે એક પત્રકારે રવિન્દ્ર જાડેજાને આ વિશે પૂછ્યું તો જાડેજાએ ફની જવાબ આપ્યો.
ભારતની પ્રથમ મેચમાં અનુભવી વિકેટકીપર-બેટ્સમેન દિનેશ કાર્તિકને બેટ્સમેન ઋષભ પંતની જગ્યાએ લેવામાં આવ્યો હતો. જ્યારે પત્રકારે રવિન્દ્ર જાડેજાને આ વિશે પૂછ્યું તો તેણે જવાબ આપ્યો કે, મને બિલકુલ ખબર નથી. આ પ્રશ્ન મારા પુસ્તકની બહાર છે.” રવિન્દ્ર જાડેજાનો આ જવાબ સાંભળીને પત્રકાર અને ત્યાં બેઠેલા બધા હસવા લાગ્યા. જાડેજાના આ જવાબનો વીડિયો સોશિયલ મીડિયા પર વાયરલ થઈ રહ્યો છે અને ચાહકો તેને ખૂબ પસંદ કરી રહ્યા છે.
હોંગકોંગ સામેની મેચ માટે જાડેજાએ કહ્યું, “અમે હોંગકોંગ સામે સકારાત્મક વલણ સાથે મેદાનમાં ઉતરીશું. અમે તેને હળવાશથી નહીં લઈએ, કારણ કે ટી-20માં કંઈ પણ થઈ શકે છે. તમને જણાવી દઈએ કે 2018ના એશિયા કપમાં જ્યારે હોંગકોંગે ભારત સાથે છેલ્લીવાર ODI મેચ રમી ત્યારે કંઈક અલગ જ જોવા મળ્યું હતું. પ્રથમ બેટિંગ કરતા ભારતે 50 ઓવરમાં 258 રન બનાવ્યા હતા. જેમાં અનુભવી ઓપનર શિખર ધવને એકલાએ 127 રન બનાવ્યા હતા. આ પછી હોંગકોંગે શાનદાર રમત બતાવી. કેપ્ટન નિઝાકત ખાન અને અંશુમાન રથે પ્રથમ વિકેટ માટે 174 રનની ભાગીદારી કરી હતી. એવું લાગતું હતું કે હોંગકોંગ આ મેચ આસાનીથી જીતી જશે, પરંતુ ખલીલ અહેમદે નિઝાકત ખાનને આઉટ કરી અને કુલદીપ યાદવે અંશુમન રથને આઉટ કરીને ભારતને જીત સુધી પહોંચાડ્યું. ટીમ ઈન્ડિયાએ આ મેચ 26 રને જીતી લીધી હતી.
આ પણ વાંચો: જોધપુર/ CM અશોક ગેહલોતની તબિયત અચાનક બગડી, ચક્કર આવવા લાગ્યા
આ પણ વાંચો: banned/ અમેરિકાએ ચિનૂક હેલિકોપ્ટરમાં આગ લાગવાની આશંકાના હોવાથી તમામ ઉડાન પર પ્રતિબંધ મૂક્યો,ભારતે રિપોર્ટ માંગ્યો
આ પણ વાંચો: પશ્ચિમ બંગાળ/ મમતા સરકારમાં ભરતી થયેલા શિક્ષકોની ફાઇલો ખોલાશે, ED 11 વર્ષનો રેકોર્ડ શોધશે
