Mehsana News:RBI એ મહેસાણા અર્બન કો-ઓપરેટિવ બેંક પર તેના નિર્દેશોનું પાલન ન કરવા બદલ ₹25 લાખનો દંડ ફટકાર્યો છે.સંપત્તિ વર્ગીકરણમાં અનિયમિતતા, નોન-પર્ફોર્મિંગ એસેટ્સ (NPA) સંબંધિત જોગવાઈઓનું પાલન ન કરવા અને અન્ય સંબંધિત બાબતો માટે આ દંડ લાદવામાં આવ્યો હતો.
અર્બન કો-ઓપરેટિવ બેંક પર મોટો નાણાકીય દંડ
આ ₹25 લાખનો દંડ મહેસાણા અર્બન કો-ઓપરેટિવ બેંક પર લાદવામાં આવેલ અત્યાર સુધીનો સૌથી મોટો દંડ છે. આ દંડ બેંકિંગ રેગ્યુલેશન એક્ટ, 1961 ની કલમ 47A(1) અને કલમ 49(4)(1) હેઠળ લાદવામાં આવ્યો હતો.
‘નોન-પર્ફોર્મિંગ એસેટ્સ’ ના વર્ગીકરણ નિયમોનું ઉલ્લંઘન
RBI એ દંડ લાદતા પહેલા બેંકને નોટિસ જારી કરી હતી. જોકે બેંકમાંથી લોન લેનારા વ્યક્તિઓના કેટલાક ખાતા NPA બની ગયા હતા, પરંતુ આ ખાતાઓને NPA તરીકે વર્ગીકૃત કરવામાં આવ્યા ન હતા. મહેસાણા અર્બન સિટીઝન્સ કો-ઓપરેટિવ બેંકના વૈધાનિક નિરીક્ષણ દરમિયાન, રિઝર્વ બેંકના અધિકારીઓએ શોધી કાઢ્યું કે બેંકનું મેનેજમેન્ટ તેના ઘણા નિર્દેશોનું પાલન કરવામાં નિષ્ફળ ગયું છે. તેથી, રિઝર્વ બેંકે મહેસાણા અર્બન કો-ઓપરેટિવ બેંકને નોટિસ ફટકારીને સ્પષ્ટતા માંગી છે કે નિર્દેશોનું પાલન ન કરવા બદલ દંડ કેમ ન લાદવો જોઈએ.
બેંક સામે શિક્ષાત્મક કાર્યવાહી: નોટિસના જવાબમાં બેંક દ્વારા રજૂ કરાયેલ જવાબ સંતોષકારક ન હતો, અને બેંક સામે શિક્ષાત્મક કાર્યવાહી કરવામાં આવી હતી. બેંકિંગ કાયદાઓનું પાલન કરવામાં નિષ્ફળતા બદલ મહેસાણા અર્બન કો-ઓપરેટિવ બેંકને દંડ ફટકારવામાં આવ્યો હતો.
RBI દ્વારા બેંકની 31 માર્ચ, 2024ની નાણાકીય તપાસ કરી
અગાઉ, બેંકને ₹5.93 કરોડનો દંડ ફટકારવામાં આવ્યો હતો. અગાઉ, જુલાઈ 2024 માં, મહેસાણા અર્બન કો-ઓપરેટિવ બેંકને ₹5.93 કરોડનો દંડ ફટકારવામાં આવ્યો હતો. આ દંડ જુલાઈ 2024 માં તેના પોતાના ડિરેક્ટરોને ધિરાણ આપવા અને બેંકની સંપત્તિના વર્ગીકરણને ખોટી રીતે રજૂ કરવાના ગુના બદલ લાદવામાં આવ્યો હતો. સાયબર સુરક્ષા માટે પૂરતા પગલાં ન લેવા બદલ મહેસાણા અર્બન કો-ઓપરેટિવ લિમિટેડને પણ દંડ ફટકારવામાં આવ્યો હતો.
આ પણ વાંચો:RBI ગવર્નરે કરી ઘોષણા, તમારા લોનના હપ્તાઓમાં થશે ઘટાડો, મોંઘવારી વધશે !
