શાઓમી MIUI 10 ગ્લોબલ સ્ટેબલ ROM અપડેટ માટે રાત દિવસ કામ કરી છે. આ અપડેટ રેડમી નોટ 4 અને Poco F1 સ્માર્ટફોનમાં આવી ગઈ છે અને હવે આ અપડેટ રેડમી 5A ફોનમાં પણ જોવા મળી રહી છે.
શાઓમીએ રેડમી 5A ફોન માટે MIUI 10 ગ્લોબલ સ્ટેબલ ROM અપડેટની જાહેરાત કરી છે અને આ અપડેટ ડાઉનલોડ કરવા માટેની લીંક પણ શેર કરી છે. MIUI 10 અપડેટ યુઝરને ફૂલ સ્ક્રીનનો અનુભવ આપશે ઉપરાંત નેચરલ સાઉન્ડ સીસ્ટમ વગેરે જોવા મળશે.
આ અપડેટ ડાઉનલોડ કરતાં પહેલાં ખાસ ધ્યાન રાખો કે તમારો ફોન 80% થી વધુ ચાર્જ હોય જેથી અધવચ્ચે પાવર પ્રોબ્લેમ ન થાય. આ અપડેટની માહિતી OTA દ્વારા આપવામાં આવી રહી છે.
જો તમારે મેન્યુઅલી આ અપડેટ ડાઉનલોડ કરવી હોય તો તમે તમારા રેડમી 5A ફોનમાં Settings > About phone > System updates > Check for updates જઈને કરી શકો છો.