દેશમાં વૈશ્વિક મહામારી કોરોનાએ કાળો કહેર વર્તાવ્યો છે. ત્યારે દેશના ઘણા રાજ્યમાં કોરોનાની સારવારમાં જરૂરી એવા રેમડેસિવિરની અછત વર્તાઈ રહી છે. ત્યારે દેશમાં રેમડેસિવિર ઇન્જેક્શનની મોટા પાયે કાળા બજારી થી રહેવાના અહેવાલ સામે આવ્યા છે. ત્યારે હવે રેમડેસિવિર ઇન્જેક્શનની ચોરી ની ઘટના પણ સામે આવી રહી છે. ભોપાલની સરકારી હમિદિયા હોસ્પિટલમાંથી કોરોના વાયરસથી સંક્રમિત દર્દીઓ માટે અસરકારક એવા રેમડેસિવિર ઈન્જેક્શનના મોટી સંખ્યામાં ચોરીના કેસ નોંધાયા છે. રાજ્યમાં ઈન્જેક્શન ચોરીનો આ પહેલો કેસ છે.
હોસ્પિટલમાં પહોંચેલા મધ્યપ્રદેશના તબીબી શિક્ષણ પ્રધાન વિશ્વાસ સારંગે શનિવારે કહ્યું હતું કે, ‘ રેમડેસિવિર ઇન્જેક્શનનાં ઇંજેકશન ચોરાઈ ગયા હોવાના અહેવાલ મળ્યા છે. આ ખૂબ જ ગંભીર બાબત છે. વિભાગીય કમિશનર કવિન્દ્ર કિયાવાત અને ભોપાલના ડેપ્યુટી ઈન્સ્પેક્ટર જનરલ ઇર્શાદ વાલી ઘટના સ્થળે પહોંચી ગયા છે અને તપાસ શરૂ કરી દેવામાં આવી છે. તેમણે કહ્યું કે આ કેસની તળિયે પહોંચવા માટે તપાસ ચાલી રહી છે.
રેમડેસિવિર ઇન્જેક્શન ચોરીનો કિસ્સો એવા સમયે સામે આવ્યો છે જ્યારે કોવિડ -19 રોગચાળા દરમિયાન રાજ્યમાં આ ઈંજેક્શનની ભારે તંગી છે. રેમડેસિવિર ઇન્જેક્શનનો ઉપયોગ કોવિડ -19 ની સારવાર માટે થાય છે. કોવિડ -19 ના કેસોમાં વધારો થવાને કારણે આ દિવસોમાં રેમડેસિવિર ઇન્જેક્શનની માંગમાં ઘણો વધારો થયો છે.
બનાવટી રેમેડિસિવર ઇંજેક્શન વેચવાના મામલે ચારની ધરપકડ
તે જ સમયે, પુણેમાં નકલી રેમડેસિવિર ઇન્જેક્શનના ઇન્જેક્શન વેચવાનો મામલો સામે આવ્યો છે. પુણે રૂરલ પોલીસે બારામતી વિસ્તારમાં નકલી રેમડેસિવિર ઇન્જેક્શનના ઇન્જેક્શન વેચવાના આરોપમાં ચાર લોકોની ધરપકડ કરી છે. એક અધિકારીએ શનિવારે આ માહિતી આપી. વરિષ્ઠ પોલીસ અધિકારીએ કહ્યું કે ઈન્જેક્શનની ત્રણ શીશીઓને રેમડેસિવિર ઇન્જેક્શન તરીકે લેબલ કરવામાં આવી છે, પરંતુ હકીકતમાં તેમાં પ્રવાહી સ્વરૂપમાં પેરાસીટામોલ સિવાય બીજું કશું જ નહોતું.
