દેશના સ્વાતંત્ર્ય સંગ્રામના નાયકોને સન્માનિત કરવાના અભિયાનમાં લાગેલી કેન્દ્રની મોદી સરકારે વધુ એક મોટું પગલું ભર્યું છે. હવે દર વર્ષે પ્રજાસત્તાક દિવસની ઉજવણી 24 જાન્યુઆરીને બદલે 23 જાન્યુઆરીથી શરૂ થશે. એટલે કે પ્રજાસત્તાક દિવસની ઉજવણીમાં નેતાજી સુભાષ ચંદ્ર બોઝની જન્મજયંતિનો પણ સમાવેશ કરવામાં આવ્યો છે. ઉલ્લેખનીય છે કે, આઝાદ હિંદ ફોજના નેતાજી સુભાષ ચંદ્ર બોઝનો જન્મ 23 જાન્યુઆરી 1897ના રોજ થયો હતો. હવે તેમની જન્મજયંતિ સાથે, 26 જાન્યુઆરીએ ઔપચારિક સમારોહ શરૂ થશે. સમાચાર એજન્સી એએનઆઈએ સરકારી સૂત્રોને ટાંકીને કહ્યું કે નેતાજી સુભાષ ચંદ્ર બોઝની જન્મજયંતિને સામેલ કરવાનો નિર્ણય લેવામાં આવ્યો છે.
આ પણ વાંચો :બીજેપીના ઉમેદવારોની પ્રથમ યાદી જાહેર, CM યોગી અયોધ્યાથી નહીં લડે ચૂંટણી, જુઓ યાદી
સૂત્રોના જણાવ્યા અનુસાર, આ નિર્ણય નરેન્દ્ર મોદી સરકારના ભારતીય ઇતિહાસ અને સંસ્કૃતિના મહત્વપૂર્ણ પાસાઓની ઉજવણી અને યાદ રાખવા પર ધ્યાન કેન્દ્રિત કરવાને અનુરૂપ છે. ઉલ્લેખનીય છે કે, કેન્દ્ર સરકારે અગાઉ સુભાષ ચંદ્ર બોઝની જન્મજયંતિને પરાક્રમ દિવસ તરીકે ઉજવવાનું શરૂ કર્યું હતું. આ સિવાય થોડા દિવસો પહેલા પીએમ મોદીએ 26 ડિસેમ્બરને વીર બાળ દિવસ તરીકે ઉજવવાની જાહેરાત કરી હતી. આ દિવસે શીખ ગુરુ ગોવિંદ સિંહના ચારેય પુત્રોએ શહીદી પ્રાપ્ત કરી હતી. અગાઉ, 14મી ઑગસ્ટના રોજ પાર્ટીશન હોરર રિમેમ્બરન્સ ડે, 31મી ઑક્ટોબરે રાષ્ટ્રીય એકતા દિવસ, 15મી નવેમ્બરે આદિવાસી ગૌરવ દિવસ (બિરસા મુંડાની જન્મજયંતિ) ઉજવવાની જાહેરાત કરવામાં આવી હતી.
આ સિવાય મોદી સરકારે દેશભરમાં નેતાજી સુભાષ ચંદ્ર બોઝ સાથે સંબંધિત સ્થળોનો પ્રચાર કરવાની યોજના પણ તૈયાર કરી છે. ગયા વર્ષે ઑક્ટોબરમાં એવું નોંધવામાં આવ્યું હતું કે પર્યટન મંત્રાલય આઝાદ હિંદ સરકારની રચનાની વર્ષગાંઠની ઉજવણીના ભાગ રૂપે ક્યુરેટેડ પ્રવાસનું આયોજન કરી રહ્યું છે, જે 21 ઑક્ટોબર 1943ના રોજ બોઝ દ્વારા જાહેર કરવામાં આવેલી છેલ્લી સરકાર હતી. આ અંતર્ગત એવા સ્થળોની ઓળખ કરવામાં આવી છે, જે નેતાજી સુભાષ ચંદ્ર બોઝ સાથે સંકળાયેલા સ્થળોને આવરી લે છે. ટૂર ઓપરેટરોને નેતાજી સંબંધિત સ્થળોને પ્રમોટ કરવા માટે પ્રવાસ માર્ગો આપવામાં આવશે.
આ પણ વાંચો :કોરોનાને મ્હાત આપી ઘરે પરત ફર્યું એક મહિનાનું નવજાત, ડોક્ટરો થયા ભાવુક
નોંધનીય છે કે 1950 થી દર વર્ષે દેશની રાજધાની દિલ્હીમાં પ્રજાસત્તાક દિવસની ઉજવણી કરવામાં આવે છે. આ દિવસે રાષ્ટ્રપતિ રાષ્ટ્રધ્વજ ફરકાવે છે અને આ અવસર પર ભારતીય સૈન્ય દળો તેમની શક્તિ પ્રદર્શિત કરે છે. આ ઉપરાંત, દેશના વિવિધ રાજ્યોમાંથી કલા અને સંસ્કૃતિને સમર્પિત ટેબ્લોક્સ રજૂ કરવામાં આવે છે, જે દેશની વિવિધતાની ઝલક આપે છે. લગભગ 2 લાખ લોકો આ સમારોહને સામેથી જુએ છે. જો કે ગયા વર્ષે કોરોનાને જોતા માત્ર 45સો લોકોને જ ટિકિટ મળી હતી. સમારોહને સફળતાપૂર્વક આયોજિત કરવાની જવાબદારી સંરક્ષણ મંત્રાલયની છે. ઉત્સવમાં ભાગ લેનારા તમામ પ્રદર્શનની તૈયારીઓ ઓગસ્ટથી જ શરૂ થઈ જાય છે. 24 જાન્યુઆરીએ પ્રજાસત્તાક દિવસની ઔપચારિક શરૂઆત થાય છે, જે 29 જાન્યુઆરીએ બીટિંગ ધ રીટ્રીટ કાર્યક્રમ સાથે સમાપ્ત થાય છે.
આ પણ વાંચો :રાજધાની દિલ્હીમાં દર ત્રીજો શખ્સ કોરોનાથી સંક્રમિત
આ પણ વાંચો :ચૂંટણી પહેલા 5 રાજ્યોમાં રેલીઓ પર પ્રતિબંધ ચાલુ રહેશે? આવતીકાલે EC વિચારમંથન કરશે
આ પણ વાંચો :પત્નીની જાણ વગર ફોન કોલ રેકોર્ડ કરવો એ ગોપનીયતાનું ઉલ્લંઘન છે કે કેમ, સુપ્રીમ કોર્ટ કરશે નક્કી
