Kheda News: ખેડા(Kheda)ના નડિયાદ(Nadiad)ના સાથ બજારમાં ગોળીબાર કરીને લૂંટનો પ્રયાસ થયો હોવાની ઘટના પ્રકાશમાં આવી છે. બે લૂંટારુઓએ હવામાં ફાયરિંગ કરીને એક ઝવેરીને લૂંટવાનો (Loot) પ્રયાસ કર્યો હતો.
માહિતી મુજબ, બે લૂંટારુઓએ (Robbers) હવામાં ગોળીબાર કર્યો હતો, આ દરમિયાન બીજો એક મદદગાર દૂર ઊભો હતો. સાથ બજારમાં દુકાન બંધ કરતી વખતે બની હતી. પૂર્ણાંક સાલુકે નામના વેપારીને લૂંટવાનો પ્રયાસ કરવામાં આવ્યો હતો. લૂંટારુઓ હવામાં ગોળીબાર કરતા જોવા મળ્યા, જેના કારણે લોકોમાં ભય ફેલાયો હતો. લૂંટારુઓએ વેપારી પાસેથી 50 હજાર રૂપિયા રોકડા ભરેલી બેગ છીનવી લેવાનો પ્રયાસ કર્યો, પરંતુ વેપારીએ બેગ છોડી નહીં અને ડરના કારણે લૂંટારુઓ ઘટનાસ્થળેથી ફરાર થઈ ગયા હતા.
જોકે, ઘટનાની માહિતી મળતાં જ નડિયાદ ટાઉન પોલીસ તાત્કાલિક ઘટનાસ્થળે પહોંચી ગઈ હતી, ડીવાયએસપી સહિતનો પોલીસની ટીમે તપાસ શરૂ કરી છે. CCTV ફૂટેજ મેળવવાનો પ્રયાસ શરૂ કર્યો છે.
કચ્છ જીલ્લાના નખત્રાણા તાલુકાના કોટડા નવાવાસમાં નિલકંઠ જ્વેલર્સના વેપારી નિલેશ સોનીને લૂંટારાઓએ છરી મારી દાગીના ભરેલી બેગ લૂંટી રફુચક્કર થઈ ગયા હતા. નિલેશ સોની નામના વેપારી દુકાનેથી ઘરે જતા હતા ત્યારે કારમાં આવેલા અજાણ્યા શખ્સોએ છરી મારી ફરાર થઈ ગયા હતા. નખત્રાણા પોલીસે લૂંટારૂઓને પકડવા ચક્રો ગતિમાન કર્યા છે. વેપારીને ખાનગી હોસ્પિટલમાં સારવાર માટે ખસેડાયા છે. સ્થાનિક પોલીસે ગુનો નોંધી તપાસ શરૂ કરી છે.
આ પણ વાંચો:કેનેડામાં 173 કરોડની લૂંટ કેસમાં 400 કિલો સોનું, 216 કરોડની રોકડ… ચોંકાવનારો ઘટસ્ફોટ
આ પણ વાંચો:ઓરિસ્સામાં કાલાહાંડી પોલીસે 3.51 કરોડ રૂપિયા સાથે 8 લૂંટારાઓને ઝડપ્યા
