ભારતીય કેપ્ટન રોહિત શર્મા T20 ઈન્ટરનેશનલમાં સૌથી વધુ રન બનાવનાર બેટ્સમેન બની ગયા છે. તેણે આ મામલે ન્યૂઝીલેન્ડના માર્ટિન ગુપ્ટિલ અને ભારતના વિરાટ કોહલીને પાછળ છોડી દીધા છે. તેમણે લખનૌના એકાના સ્ટેડિયમમાં રમાયેલી પ્રથમ ટી20માં શ્રીલંકા સામે આ રેકોર્ડ બનાવ્યો હતો
ગુપ્ટિલે સૌથી વધુ 3299 રન બનાવ્યા છે જ્યારે કોહલીના નામે 97 મેચમાં 3296 રન છે. રોહિતને બંનેથી આગળ થવા માટે કુલ 37 રનની જરૂર હતી. તે પરિપૂર્ણ કરી લીધા છે
કોહલી શ્રીલંકા સામેની શ્રેણીમાં રમી રહ્યો નથી. આ ક્રમમાં આયર્લેન્ડનો પોલ સ્ટર્લિંગ ચોથા સ્થાને છે અને ઓસ્ટ્રેલિયાનો એરોન ફિન્ચ પાંચમા સ્થાને છે. સ્ટર્લિંગે 100 મેચમાં 2758 રન બનાવ્યા છે અને ફિન્ચે 88 મેચમાં 2686 રન બનાવ્યા છે. રોહિત શ્રીલંકા સામેની પ્રથમ T20માં 44 રન બનાવીને આઉટ થયો હતો.
રોહિત પાકિસ્તાનના સુકાની બાબર આઝમના રેકોર્ડની બરોબરી કરવાનું ચૂકી ગયો. જો તેણે 63 રન બનાવ્યા હોત તો તે T20 ઈન્ટરનેશનલમાં કેપ્ટન તરીકે સૌથી ઝડપી 1000 રન પૂરા કરવાના રેકોર્ડની બરાબરી કરી લેત. બાબરે 26 ઇનિંગ્સમાં 1000 રન પૂરા કર્યા. તે જ સમયે, આ મેચ પહેલા, રોહિતે 25 ઇનિંગ્સમાં 937 રન બનાવ્યા હતા.
હવે રોહિતના 26 દાવ બાદ 981 રન છે. પાકિસ્તાનના કેપ્ટન બાબરે કેપ્ટન તરીકે સૌથી ઝડપી 1000 રન બનાવવાનો કોહલીનો રેકોર્ડ તોડ્યો હતો. કોહલીએ 30 ઇનિંગ્સમાં આ સિદ્ધિ મેળવી હતી. રોહિત હજુ પણ આ મામલે કોહલીનો રેકોર્ડ તોડી શકે છે.
