ક્રિકેટની મસ્તી આજે ચોતરફ જોવા મળી રહી છે. એક તરફ ઈંગ્લેન્ડમાં ભારત અને ઈંગ્લેન્ડ ટેસ્ટ સીરીઝ ચાલી રહી છે તો બીજી તરફ સીપીએલ 2021 ચાલી રહી છે. જણાવી દઇએ કે, CPL માં ગુરુવારે રમાયેલી પ્રથમ મેચમાં, સેન્ટ લુસિયા કિંગ્સે રોયસ્ટોન ચેઝની ધમાકેદાર 50 બોલમાં 85 રનની બેટિંગનાં દમ પર એમેઝોન વોરિયર્સને માત આપવામાં સફળતા મેળવી હતી.
આ પણ વાંચો – IND vs ENG / બાર્મી આર્મીએ કોહલીને કર્યો ટ્રોલ, ઈન્ડિયન આર્મીએ આપ્યો વળતો જવાબ
ગુયાનાની ટીમે ટોસ જીતીને પ્રથમ બોલિંગ કરવાનો નિર્ણય કર્યો હતો. રોમારિયો શેફર્ડે શાનદાર બોલિંગ કરી, સેન્ટ લુસિયાને બે ઝડપી ઝટકા આપ્યા. પહેલા તેણે આન્દ્રે ફ્લેચર (4) અને ફાફ ડુ પ્લેસિસ (2) ને પેવેલિયન પરત મોકલ્યો. 7 રનમાં 2 વિકેટ ગુમાવ્યા બાદ બેકફૂટ પર આવી ગયેલી સેન્ટ લુસિયાને રોસ્ટન ચેઝ અને માર્ક દેયલે સંભાળી હતી. રોસ્ટન ચેઝે શાનદાર બેટિંગ કરી અને ચોક્કા અને છક્કાનો વરસાદ કર્યો હતો. આવી સ્થિતિમાં ટીમને 81 રનનાં સ્કોર સુધી લઇ ગયા બાદ ઓડેન સ્મિથે આ ભાગીદારી તોડી નાખી. આ પછી ચેઝને ટિમ ડેવિડ (15) નો ટેકો મળ્યો હતો. ચેઝનું બેટ ચોક્કા અને છક્કા ફટકારતું રહ્યું, તેણે 27 બોલમાં 4 ચોક્કા અને 4 છક્કાની મદદથી પોતાની અડધી સદી પૂરી કરી હતી અને સેન્ટ લુસિયાનો સ્કોર 100 રનની પાર પહોંચી ગયો. રોસ્ટન ચેઝ અને ટિમ ડેવિડ વચ્ચે 50 રનની ભાગીદારી 31 બોલમાં પૂરી થઈ. આવી સ્થિતિમાં સ્મિથ ફરી એક વખત જોડી તોડનાર તરીકે ઉભરી આવ્યો અને ટિમ ડેવિડને પેવેલિયન પરત મોકલ્યો. ડેવિડે 16 બોલમાં 15 રન બનાવ્યા હતા.
આ પણ વાંચો – IND vs ENG / કેપ્ટન કોહલીએ સચિનનો 17 વર્ષ જુનો રેકોર્ડ તોડ્યો, આ ખાસ ક્લબમાં કરી Entry
આ પછી સ્મિથે બેટિંગ કરવા આવેલા સમિત પટેલને ખાતું ખોલવા પણ ન દીધું અને તેને બોલ્ડ કરીને પેવેલિયન પરત મોકલ્યો હતો. કિંગ્સનો સ્કોર 132 રનમાં 5 વિકેટ થઇ ગયો હતો. આ પછી, 18 મી ઓવરમાં, રોસ્ટન ચેઝ પણ 132 નાં સ્કોર પર 50 બોલમાં 85 રન બનાવીને પેવેલિયન પરત ફર્યો. તેણે પોતાની ઇનિંગમાં 7 છક્કા અને 6 ચોક્કા ફટકાર્યા હતા. અંતે, કિંગ્સ ટી 20 ઓવરમાં 149/7 નો સ્કોર ઉભુ કરી શક્યું. જીત માટે 150 રનનાં લક્ષ્યાંકનો પીછો કરતા ગુયાના એમેઝોન વોરિયર્સની ટીમની શરૂઆત ખરાબ રહી હતી. ટૂંક સમયમાં ગુયાનાએ 15 રનમાં ચાર વિકેટ ગુમાવી દીધી હતી. મોહમ્મદ હાફીઝ (1), ચંદ્રપાલ હેમરાજ (1), શોએબ મલિક (4) અને બ્રેડેન કિંગ (1) રન બનાવી શક્યા હતા. આવી સ્થિતિમાં કેપ્ટન નિકોલસ પુરણે ઇનિંગ્સ સંભાળવાનો પ્રયાસ કર્યો હતો પરંતુ પાંચમો ફટકો બીજા છેડે શેમરન હેટમાયરનાં રૂપમાં લાગ્યો. હેટમાયર 21 બોલમાં 9 રન બનાવી શક્યો હતો.
