Surendranagar News : ઘુડખર અભયારણ્ય (Ghudkhar Sanctuary) ચાલુ વર્ષે વહેલું ખોલવામાં આવ્યું છે. સુરેન્દ્રનગર જિલ્લાના પાટડી સ્થિત આ અભયારણ્ય પ્રવાસીઓ માટે ખુલતાં જ મોટી સંખ્યામાં લોકો ઉમટી પડ્યા છે. રણની સુંદરતા અને વનજીવનને નિહાળવા માટે પ્રકૃતિ પ્રેમીઓ અને સહેલાણીઓમાં ભારે ઉત્સાહ જોવા મળી રહ્યો છે.

Ghudkhar Sanctuaryમાં વિદેશી પક્ષીઓનું આગમન

આ અભયારણ્ય માત્ર ઘુડખર માટે નહીં, પણ યાયાવર પક્ષીઓ (migratory birds) માટે પણ જાણીતું છે. શિયાળાની શરૂઆત સાથે વિદેશી પક્ષીઓનું આગમન ધીમે ધીમે શરૂ થયું છે. ખાસ કરીને ‘રેપટર’ એટલે કે શિકારી પક્ષીઓ (raptor birds)એ અહીં ધામા નાખ્યા છે. આકાશમાં વિહરતા રંગબેરંગી અને દુર્લભ પક્ષીઓ પ્રવાસીઓ માટે મુખ્ય આકર્ષણ બન્યા છે.

વિદ્યાર્થીઓ માટે નેચરલ એજ્યુકેશન કેમ્પ

વિદ્યાર્થીઓમાં વનજીવન અને પ્રકૃતિ પ્રત્યે જાગૃતિ વધે તે હેતુથી અભયારણ્યમાં નેચરલ એજ્યુકેશન કેમ્પ (nature education camp) શરૂ કરાયા છે. વિદ્યાર્થીઓ કુદરતી વાતાવરણમાં રહીને વન્યજીવો, પક્ષીઓ અને રણની નિવસન પ્રણાલી વિશે નજીકથી અભ્યાસ કરી શકશે. આનાથી શાળા-કોલેજના છાત્રોમાં ભારે આનંદની લાગણી છવાઈ છે.

ઘુડખર અભયારણ્યમાં વન વિભાગની તૈયારીઓ

પ્રવાસીઓનો ઘસારો વધતાં વન વિભાગ (Forest Department) દ્વારા પૂરતી તૈયારીઓ શરૂ કરાઈ છે. પ્રવાસીઓની સુવિધા અને સુરક્ષાનું પણ ધ્યાન રખાઈ રહ્યું છે. રણના અભયારણ્ય વિસ્તારમાં જ્યાં પાણી ભરાયા છે તેવા સંવેદનશીલ વિસ્તારોમાં પ્રવાસીઓને ન જવા માટે સ્પષ્ટ સૂચના અપાઈ છે, જેથી કોઈ અનિચ્છનીય ઘટના ટાળી શકાય. આગામી દિવસોમાં પ્રવાસીઓની સંખ્યા વધુ વધવાની સંભાવના છે.

આ પણ વાંચો:ઘુડખર અભયારણ્યમાં ગેરકાયદે દબાણ સામે વનવિભાગની કડક કાર્યવાહી

આ પણ વાંચો:અનલોક – 5 માં ઘુડખર અભયારણ્યપર્યટકો માટે આ તારીખથી ખુલ્લું મુકાશે

આ પણ વાંચો:કચ્છ/ આજ થી વિશ્વ વિખ્યાત ઘુડખર અભયારણ્ય કરવામાં આવ્યું બંધ…