ભારતના હજારો વિદ્યાર્થીઓ હજુ પણ યુક્રેનની સરહદ પર અટવાયેલા છે. ચારેબાજુ મિસાઈલ અને બોમ્બ હુમલા થઈ રહ્યા છે. તે જ સમયે, કેટલાક વિદ્યાર્થીઓ એવા છે જેઓ તેમના પરિવાર સાથે સંપર્કમાં રહેવા માટે સક્ષમ નથી. આ દરમિયાન મહારાષ્ટ્રના ઔરંગાબાદમાંથી એક લાગણીશીલ કિસ્સો સામે આવ્યો છે.
રશિયા-યુક્રેન વચ્ચે ચાલી રહેલા યુદ્ધમાં ફસાયેલા ભારતીય વિદ્યાર્થીઓની મુશ્કેલીઓ સતત વધી રહી છે. કેટલાક લોકોએ પાડોશી દેશોમાં આશરો લીધો છે, તો કેટલાક એવા છે જેઓ હજુ પણ યુક્રેનની સરહદ પર ફસાયેલા છે. ચારેબાજુ મિસાઈલ અને બોમ્બ હુમલા થઈ રહ્યા છે. તે જ સમયે, કેટલાક વિદ્યાર્થીઓ એવા છે જેઓ તેમના પરિવાર સાથે સંપર્કમાં રહેવા માટે સક્ષમ નથી. આ દરમિયાન મહારાષ્ટ્રના ઔરંગાબાદમાંથી એક લાગણીશીલ કિસ્સો સામે આવ્યો છે. જ્યાં એક મહિલાએ મીડિયાની સામે પોતાનું દર્દ વ્યક્ત કરતા કહ્યું- તેની પુત્રી છેલ્લા 48 કલાકથી કંઈ વા થઈ શકી નથી. તે કઈ સ્થિતિમાં છે તે જાણી શકાયું નથી. અમને ખૂબ જ ચિંતા થઈ રહી છે.
દીકરી સાથે 48 કલાકથી વાત પણ નથી થઇ
વાસ્તવમાં મીડિયા સામે પોતાનું દર્દ વ્યક્ત કરનાર આ મહિલા દરેકનો જીવ બચાવવાની ચિંતામાં છે. દરમિયાન, ઉસ્માનાબાદમાં રહેતી કાલિંદા થીટે છે, જે વ્યવસાયે શિક્ષક છે. જેની પુત્રી નિકિતા યુક્રેનમાં યુદ્ધના કારણે ત્યાં ફસાયેલી છે. છેલ્લા 5 દિવસથી હું દરરોજ તેની સાથે વાત કરતીહતી. પરંતુ છેલ્લા 48 કલાકથી તેની સાથે કોઈ વાત થઇ શકી નથી.
માતાએ રડતા રડતા સરકારને આજીજી કરી
કાલિંદાએ કહ્યું કે તેને નિકિતાનો છેલ્લો મેસેજ 2 દિવસ પહેલા મળ્યો હતો. તેણીએ કહ્યું હતું કે તે હવે સુરક્ષિત છે અને દૂતાવાસ જઈ રહી છે. આટલું જ નહીં તેણે વોટ્સએપ દ્વારા પોતાનું લોકેશન પણ શેર કર્યું હતું. પરંતુ હવે તેણીનો કે તેના મિત્રોનો પણ સંપર્ક થઈ શકતો નથી. અમે મહારાષ્ટ્ર સરકાર અને મોદી સરકારને અમારી દીકરી વિશે વહેલામાં વહેલી તકે જાણવાની અપીલ કરીએ છીએ.
મહારાષ્ટ્રની દીકરી નિકિતા કિવમાં ફસાઈ
જણાવી દઈએ કે નિકિતા થીટે કિવથી 830 કિમી દૂર લુગાન્સ્ક સ્ટેટ મેડિકલ કોલેજમાં અભ્યાસ કરે છે. તે મેડીસીનમાં ચોથા વર્ષની વિદ્યાર્થીની છે. છેલ્લા કેટલાક દિવસોથી નિકિતાના ઓનલાઈન ક્લાસ ચાલુ હતા, તેથી તે કિવમાં તેના મિત્રો સાથે ભાડાના એપાર્ટમેન્ટમાં રહેતી હતી. આ દરમિયાન જ્યારે રશિયાએ હુમલો કર્યો તો તેને એક બંકરમાં મોકલવામાં આવી હતી. રોજ તેની સાથે વાત કરે છે, પરંતુ સોમવારથી તેનો કોઈ પત્તો નથી.
