ભોપાલના સાંસદ સાધ્વી પ્રજ્ઞા સિંહ ફરી એકવાર ચર્ચામાં આવ્યા છે. સાધ્વીનો બાસ્કેટબોલ રમતો એક વીડિયો વાયરલ થઈ રહ્યો છે. જેને લઈને કોંગ્રેસે કટાક્ષ કર્યો હતો કે પ્રજ્ઞા સિંહને અત્યાર સુધી વ્હીલચેર પર જોઇ હતી, પરંતુ સ્ટેડિયમમાં બાસ્કેટબોલ સાથે રમે છે તે જોઈને ખૂબ આનંદ થયો.
હકીકતમાં, પ્રદેશ કોંગ્રેસના પ્રવક્તા નરેન્દ્ર સલુજાએ સાધ્વી પ્રજ્ઞા સિંહ ઠાકુરનો એક વીડિયો ટ્વિટર પર પોસ્ટ કર્યો છે. તેમણે ટ્વીટ કરતી વખતે લખ્યું હતું કે, અત્યાર સુધીમાં ભોપાલ ભાજપના સાંસદ સાધ્વી ઠાકુરને વ્હીલચેર પર જોયા હતા, પરંતુ આજે ભોપાલના સ્ટેડિયમમાં બાસ્કેટબોલમાં તેમણે હાથ અજમાવતા જોઈને ખૂબ આનંદ થયો. તેમણે કહ્યું કે અત્યાર સુધી એ જાણીતું હતું કે થોડીક ઈજાના કારણે તે ઉભા રહી શકતા નથી અને બરાબર ચાલી પણ શકતા નથી? ભગવાન તેમને હંમેશા સ્વસ્થ રાખે.
https://twitter.com/NarendraSaluja/status/1410621073607913477?ref_src=twsrc%5Etfw%7Ctwcamp%5Etweetembed%7Ctwterm%5E1410621073607913477%7Ctwgr%5E%7Ctwcon%5Es1_&ref_url=https%3A%2F%2Fpublish.twitter.com%2F%3Fquery%3Dhttps3A2F2Ftwitter.com2FNarendraSaluja2Fstatus2F1410621073607913477widget%3DTweet
તે જ સમયે, આ વીડિયો સોશિયલ મીડિયા પર વાયરલ થઈ રહ્યો છે. કોંગ્રેસ સિવાય અન્ય ટ્વિટર યુઝર્સની પણ પ્રતિક્રિયાઓ આવી રહી છે. તેની આ વીડિયોનો જવાબ આપતાં એક યુઝરે લખ્યું છે કે સાધ્વીની તંદુરસ્તી મુબારક છે. વ્હીલચેરમાં ચાલતા આપણા સાંસદ આજે બાસ્કેટબોલ રમતા જોવા મળે છે.
