પીરિયડ્સને કારણે થતી પીડાને ઓછી કરવા માટે ગર્ભ નિયંત્રણની ગોળીઓ લેવી સગીરા માટે મોંઘી સાબિત થઈ. ગોળીઓ લીધાના 18 દિવસ પછી 13 ડિસેમ્બરે મગજમાં લોહી જામી જવાથી તેનું મૃત્યુ થયું હતું. કેસ યુનાઇટેડ કિંગડમનો છે. મૃત્યુ પહેલા અંગોનું દાન કરવાના નિર્ણયથી પાંચ લોકોને નવું જીવન મળશે. સગીરાના પરિવારજનોએ જણાવ્યું હતું કે તેમની પુત્રીને 5 ડિસેમ્બરે માઈગ્રેનની તકલીફ શરૂ થઈ હતી અને 8 ડિસેમ્બરથી ઉલ્ટીઓ પણ શરૂ થઈ હતી, પરંતુ ડૉક્ટરે શરૂઆતમાં એવું માન્યું હતું કે આ સમસ્યા પેટના કૃમિના કારણે છે.
માહિતી અનુસાર, પીરિયડ્સને કારણે તે પથારી પર દર્દથીપીડાતી હતી ત્યાર પછી, તેની માતાએ તેને હોસ્પિટલ લઈ જવાનું નક્કી કર્યું, જ્યાં ડૉક્ટરોએ શોધી કાઢ્યું કે તેના મગજમાં લોહી જામી ગયું છે, જેના કારણે મગજમાં સોજો આવી ગયો છે. લૈલાની કાકી જેન્ના બ્રેથવેટે કહ્યું કે અમે શબ્દોમાં પણ કહી શકતા નથી કે અમારું કુટુંબ કેટલું બરબાદ થઈ ગયું છે, અમે તાજેતરમાં જ અમારા દાદાને ગુમાવ્યા છે. આ અંગે ડૉક્ટરે કહ્યું કે આ પ્રકારનો રોગ સ્વસ્થ લોકોમાં ભાગ્યે જ જોવા મળે છે, પરંતુ હોર્મોનલ ગર્ભનિરોધક લેનારા લોકોમાં તેની શક્યતાઓ વધુ હોઈ શકે છે.
પરિવારે જણાવ્યું કે લૈલાને ડિસેમ્બરની શરૂઆતમાં માઈગ્રેન થયું હતુ પરંતુ તેના ડૉક્ટરે તેને 11 ડિસેમ્બર સુધી રાહ જોવાની સલાહ આપી હતી. જેન્નાએ કહ્યું કે તેને દાખલ કરવામાં આવી તે પહેલા તેને દર 30 મિનિટે ઉલ્ટી થતી હતી અને તેને ગોળીઓ આપવામાં આવતી હતી. પીરિયડ્સને કારણે તે સાંજે તેના આખા શરીરમાં દુખાવો થવાને કારણે તેને ચીસો પાડવાનું શરૂ કર્યું અને પરિવારે તેને હોસ્પિટલ લઈ જવાનું નક્કી કર્યું.
મળતી માહિતી મુજબ, તેને હોસ્પિટલ લાવતી વખતે તે બાથરૂમમાં પડી ગઈ અને બેભાન થઈ ગઈ. ડોકટરોએ તેના પર સીટી સ્કેન કર્યું અને સર્જરી માટે હલ રોયલ હોસ્પિટલમાં લઈ જવામાં આવી, જ્યાં બાદમાં તેને બ્રેઈન ડેડ જાહેર કરવામાં આવી. તેની હાલત જોતા કોઈ ગંભીર લક્ષણો નહોતા પરંતુ બીજા દિવસે ડોક્ટરોએ તેને બ્રેઈન ડેડ જાહેર કરી જે સમજની બહાર છે. લૈલાના મૃત્યુ પછી, તેના પરિવારે અન્ય પાંચ લોકોના જીવ બચાવવા માટે ક્રિસમસ પહેલા તેના અંગોનું દાન કરવાનું નક્કી કર્યું.
આ પણ વાંચો :USA-Gujarat Youth Death/અમેરિકામાં ગુજરાતી યુવકનું મોત, ગોળી મરાઈ હતી
આ પણ વાંચો :merry christmas/ખૂબ જ ‘હમ્બ્લ’ છે આ ક્રિસમસ ટ્રી, હરાજીમાં વેચાયું 3.32 લાખ રૂપિયામાં
આ પણ વાંચો :Dawood Ibrahim/દાઉદ ઇબ્રાહિમ મૃત્યુની નજીક, થશે ડોન યુગનો અંત કે પછી પરિવારની વ્યક્તિ સંભાળશે પદ, જાણો તેના પરિવાર વિશે
