બિગ બોસ-13 ના લોન્ચિંગ દરમિયાન સલમાન ખાનની એક ફોટોગ્રાફર સાથે તીખી ચર્ચા થઇ ગઇ હતી. સલમાને તો એમ પણ કહ્યું કે જો તે (ફોટોગ્રાફર) ઇચ્છે તો તેના પર પ્રતિબંધ લગાવી શકે છે. આ દરમિયાન સલમાન ખૂબ ગુસ્સે દેખાઈ રહ્યો હતો. તેણે ફોટોગ્રાફર પર આરોપ લગાવ્યો કે તે દરેક ઇવેન્ટને બગાડવાનો પ્રયાસ કરે છે.
ઇવેન્ટ દરમિયાન સલમાન ખાને બાકીનાં ફોટોગ્રાફરોને પણ અપીલ કરી અને તેઓને આ મામલે કોઈ પગલું ભરવાનું કહ્યું. ઉલ્લેખનીય છે કે, ફોટોગ્રાફર્સ સતત સલમાનની તસવીરો લેતા હતા, જેના કારણે તેને તેનું કામ કરવામા મુશ્કેલ પડી રહી હતી. આ વાત પર સલમાન ગુસ્સે ભરાયો હતો. સલમાનનો આ વીડિયો સોશિયલ મીડિયા પર ઝડપથી વાયરલ થઈ રહ્યો છે. વીડિયોમાં સલમાનને ‘લે લે ભાઈ લે લે’ કહેતા જોઇ શકાય છે. સલમાન તેનુ કામ છોડીને શાંતિથી ઉભો રહે છે અને લોકોને ફોટો ખેંચવાની મંજૂરી આપે છે.
સલમાન આ ઇવેન્ટ દરમિયાન કેઝ્યુઅલમાં દેખાયો હતો. તેની સાથે અમિષા પટેલ, અર્જુન બિજલાની, સના ખાન અને પૂજા બેનર્જી જેવા સ્ટાર્સ પણ હતાં. રિપોર્ટ્સ અનુસાર, અંતિમ સીઝન જેમાં સિલેબ્સ અને સામાન્ય લોકો પણ સ્પર્ધક તરીકે સામેલ થયા હતા, ખૂબ સફળ ન થવાને કારણે, આ વખતે શોમાં ફક્ત સેલિબ્રિટીઝ જ દેખાશે. આ વખતે શોનું લોકેશન પણ બદલાઈ ગયું છે.
દર વર્ષે બિગ બોસનું ઘર લોનાવાલામાં ગોઠવાતું હતું પરંતુ આ વખતે તે બદલીને મુંબઇ કરવામાં આવ્યું છે. તેનું શૂટિંગ ગોરેગાંવનાં ફિલ્મ સિટીમાં કરવામાં આવશે.
નીચે આપેલી લીંક પર ક્લિક કરીને જોડાવ મંતવ્ય ન્યૂઝ સાથે…
તમે અમને ફેસબુક, ટ્વીટર, ઇન્સ્ટાગ્રામ અને યુ ટ્યુબ પર પણ લાઇક અને ફોલો કરી શકો છો.
લેટેસ્ટ ન્યૂઝ અપડેટ્સ આપના ફોન પર સૌથી ઝડપી મેળવવા માટે આજે જ ડાઉનલોડ કરો “મંતવ્ય ન્યૂઝ” ની નવી મોબાઇલ એપ્લિકેશન.