Gandhinagar News: ગાંધીનગર કલોલના સાંતેજ વિસ્તારમાં શંકાસ્પદ ઘી મામલે ફૂડ વિભાગ અને પોલીસે સંયુક્ત તપાસ હાથ ધરી છે. સાંતેજમાં આવેલી ગજાનંદ ફૂડ કંપનીમાં દરોડો (Santej Food Raid) પાડી ફૂડ વિભાગની ટીમે ચેકિંગ કર્યું હતું. તપાસ દરમિયાન કંપનીમાં વેજિટેબલ ફૂડ પ્રોસેસિંગ સાથે ઇન્ટ્રેરેસ્ટિફાઇડ વેજિટેબલ ફેટનું ઉત્પાદન થતું હોવાનું સામે આવ્યું હતું.
Santej Food Raid: શંકાસ્પદ ઘીની માહિતી બાદ તપાસ
ગજાનંદ ફૂડ કંપનીમાં (Gajanan Food Company) શંકાસ્પદ ઘી (Suspicious Ghee) અંગેની માહિતી મળ્યા બાદ ફૂડ વિભાગ અને પોલીસે સંયુક્ત રીતે કાર્યવાહી હાથ ધરી હતી. ટીમે કંપનીમાં ઉત્પાદન પ્રક્રિયા, રો મટીરિયલ અને અન્ય સામગ્રી અંગે તપાસ કરી હતી.તપાસ દરમિયાન ફૂડ વિભાગે વિવિધ સામગ્રીના નમૂના લીધા હતા. જેમાં રો મટીરિયલના 3 નમૂના ઉપરાંત પામોલિન તેલ અને વનસ્પતિના આશરે 5 નમૂના લેવામાં આવ્યા છે.
નમૂના લેબોરેટરીમાં મોકલાયા
ફૂડ વિભાગે (Kalol Food Department) લીધેલા તમામ નમૂનાઓને તપાસ માટે લેબોરેટરીમાં મોકલી આપવામાં આવ્યા છે. હવે લેબોરેટરીમાંથી રિપોર્ટ આવ્યા બાદ જ નમૂનાઓની ગુણવત્તા અને નિયમોનું પાલન થયું છે કે નહીં તે અંગે વધુ સ્પષ્ટતા થશે.અધિકારીઓ દ્વારા કંપનીમાં ઉપયોગમાં લેવાતા કાચા માલ અને ઉત્પાદન સંબંધિત પ્રક્રિયાની પણ તપાસ કરવામાં આવી છે.
તપાસમાં ક્ષતિઓ મળી, ઇમ્પ્રુવમેન્ટ નોટિસ
તપાસ દરમિયાન કેટલીક ક્ષતિઓ સામે આવતા ફૂડ વિભાગે કંપનીને ઇમ્પ્રુવમેન્ટ નોટિસ ફટકારી છે. આ કાર્યવાહી ફૂડ સેફ્ટી સ્ટાન્ડર્ડ એક્ટ, 2006 હેઠળ કરવામાં આવી હોવાનું જણાવાયું છે.હાલમાં ફૂડ વિભાગે લીધેલા નમૂનાઓના લેબોરેટરી રિપોર્ટની રાહ જોવાઈ રહી છે. રિપોર્ટમાં જો નિયમભંગ અથવા ખાદ્ય ગુણવત્તા અંગેની ખામી સામે આવશે તો તેના આધારે કંપની સામે આગળની કાયદેસરની કાર્યવાહી કરવામાં આવશે.
લેબ રિપોર્ટ બાદ થશે આગળની કાર્યવાહી
હાલની તપાસમાં માત્ર નમૂના લેવામાં આવ્યા છે અને લેબોરેટરી રિપોર્ટ આવ્યા બાદ જ અંતિમ સ્થિતિ સ્પષ્ટ થશે. તેથી કંપની દ્વારા બનાવવામાં આવતા ઉત્પાદનોમાં કોઈ ભેળસેળ કે ગુણવત્તા સંબંધિત નિયમભંગ છે કે નહીં તે અંગે હાલ નિશ્ચિત નિષ્કર્ષ કાઢી શકાય નહીં.
ફૂડ વિભાગની (Gujarat Food Department) આગળની કાર્યવાહી લેબોરેટરીના રિપોર્ટ પર આધારિત રહેશે.
આ પણ વાંચો: તહેવારોમાં ફૂડ વિભાગ એલર્ટ, ડીસામાં દરોડા દરમિયાન 987 લીટર શંકાસ્પદ ઘીનો જથ્થો જપ્ત
આ પણ વાંચો: રાજ્યમાં ભેળસેળિયાઓ પર તંત્રનો મોટો પ્રહાર! સુરત-ડીસામાંથી રૂ.35 લાખથી વધુનો શંકાસ્પદ ઘી-તેલનો જથ્થો જપ્ત
આ પણ વાંચો: કામરેજમાં ફૂડ વિભાગની મોટી કાર્યવાહી, 103 કિલો શંકાસ્પદ ઘી અને 112 કિલો મલાઈનો જથ્થો જપ્ત
