Amreli News: અમરેલી જિલ્લામાં સાવરકુંડલા-રાજુલા હાઇવે પર મોડી રાત્રે વન્યજીવોની હાજરીથી વાહનચાલકોમાં અચાનક ગભરાટ ફેલાયો હતો. આંબરડી ગામ નજીક મુખ્ય હાઇવે પર ત્રણ સિંહોએ રસ્તાની વચ્ચે જ એક પશુને દબોચી તેનો શિકાર (Amreli Lion Hunt) કર્યો હતો. સિંહોના શિકારને કારણે હાઇવે પરથી પસાર થતાં વાહનો થંભી ગયા હતા અને બંને તરફ વાહનોની લાંબી કતારો જોવા મળી હતી.

મળતી માહિતી મુજબ, ત્રણ સિંહોએ હાઇવેની વચ્ચે જ પશુને પકડી લીધું હતું. ત્યારબાદ ત્રણેય સિંહોએ લગભગ 25 મિનિટથી વધુ સમય સુધી રસ્તા પર જ શિકાર (Amreli Lion Hunt) કર્યો હતો. આ દરમિયાન વાહનચાલકો સાવચેતીપૂર્વક વાહનો રોકીને સમગ્ર દૃશ્ય નિહાળી રહ્યા હતા.

વાહનચાલકોએ હોર્ન અને સાયરન વગાડ્યા, છતાં સિંહો હટ્યા નહીં

હાઇવે પર સિંહોનો શિકાર (Amreli Lion Hunt) ચાલી રહ્યો હોવાથી વાહનચાલકો માટે મુશ્કેલી ઊભી થઈ હતી. કેટલાક વાહનચાલકોએ હોર્ન અને સાયરન વગાડીને સિંહોને રસ્તા પરથી દૂર ખસેડવાનો પ્રયાસ કર્યો હતો. તેમ છતાં સિંહોએ શિકાર છોડ્યો નહોતો અને તેઓ પોતાના શિકારમાં વ્યસ્ત રહ્યા હતા. સિંહો લાંબા સમય સુધી હાઇવેની વચ્ચે જ રહેતા હોવાથી બંને તરફ વાહનોની અવરજવર ધીમી પડી હતી અને થોડા સમય માટે ચક્કાજામ જેવી સ્થિતિ સર્જાઈ હતી.

Amreli Lion Hunt: 25 મિનિટ બાદ પશુને રોડની નીચે ઢસડી લઈ ગયા

લાંબા સમય સુધી હાઇવે પર શિકાર (Amreli Lion Hunt) કર્યા બાદ અંતે ત્રણેય સિંહો પશુને ઢસડીને રસ્તાની નીચે લઈ ગયા હતા. ત્યારબાદ તેમણે રોડથી થોડે દૂર જઈને શિકાર પૂર્ણ કર્યો હતો. આ સમગ્ર ઘટનાનો વીડિયો પણ સોશિયલ મીડિયા પર વાયરલ થયો છે. વીડિયોમાં હાઇવે પર ત્રણ સિંહો શિકાર કરતા જોવા મળે છે અને આસપાસ વાહનો ઊભેલા નજરે પડે છે.

રાજુલા-સાવરકુંડલા માર્ગ પર હાઇવેની વચ્ચે શિકારની પહેલી ઘટના

સ્થાનિક સ્તરે મળતી માહિતી મુજબ, રાજુલા-સાવરકુંડલા માર્ગ પર સિંહો દ્વારા હાઇવેની વચ્ચે જ શિકાર કરવાની આ પહેલી ઘટના હોવાનું સામે આવ્યું છે. અગાઉ ભાવનગર-સોમનાથ નેશનલ હાઇવે પર પણ સિંહોએ રોડની નજીક મારણ કર્યું હોવાની ઘટનાઓ સામે આવી ચૂકી છે. જોકે, આ ઘટનામાં ત્રણ સિંહો મુખ્ય હાઇવેની વચ્ચે જ લાંબા સમય સુધી શિકાર (Amreli Lion Hunt) કરતા જોવા મળ્યા હતા. જેના કારણે વાહનચાલકોમાં કુતૂહલ સાથે ભયનો માહોલ પણ જોવા મળ્યો હતો.

ઘટનાની જાણ થતાં વન વિભાગની ટીમ પહોંચી

ઘટનાની જાણ વન વિભાગને કરવામાં આવતા ટીમ પણ સ્થળ પર પહોંચી હતી. હાઇવે પર સિંહોની અવરજવર અને શિકારની ઘટના સામે આવતા વન વિભાગ દ્વારા સ્થિતિ પર નજર રાખવામાં આવી હતી. અમરેલી જિલ્લાના આ વિસ્તારમાં સિંહોની અવરજવર અવારનવાર જોવા મળે છે. જોકે, વ્યસ્ત હાઇવે પર આ રીતે લાંબા સમય સુધી સિંહો દ્વારા શિકાર (Amreli Lion Hunt) કરવામાં આવતા વાહનચાલકોમાં આ ઘટના ચર્ચાનો વિષય બની છે.

આ પણ વાંચો:ગીરના સિંહો ગામમાં ઘૂસ્યા: ધારીના માલસીકામાં ઝરમર વરસાદ વચ્ચે પશુનો શિકાર

આ પણ વાંચો:ગીરની ધરા પર માતૃત્વની પરાકાષ્ઠા! ગીરમાં 8 સિંહો વાછરડાને ખાતા રહ્યા અને ગાય માતા વહાલ કરતી રહી

આ પણ વાંચો:પોતાની ગર્લફ્રેન્ડને ઈમ્પ્રેસ કરવા તે સિંહના પાંજરામાં ઘૂસી ગયો, સેલ્ફી લીધી અને મૃતદેહના ટુકડા થઈને બહાર આવ્યો