Gujarat Weather: રાજ્યમાં હીટવેવ (Heatwave)ની આગાહી વચ્ચે મોટાભાગના શહેરોમાં ગરમી (Heat)નું પ્રમાણ વધુ જોવા મળ્યું છે. રાત્રિથી વહેલી સવાર સુધી ઠંડા પવનો ફૂંકાતા ગરમીથી છુટકારો મળ્યો છે. હવામાન વિભાગે આજે કચ્છ અને બનાસકાંઠા જિલ્લામાં ગરમીનો પારો ઊંચો રહેવાની આગાહી કરી હતી. રાજકોટમાં 43.3 ડિગ્રી તાપમાન નોંધાતા લોકો ત્રાહિમામ પોકારી ગયા હતા. આજથી તાપમાનમાં 2 થી 3 ડિગ્રીનો ઘટાડો થશે. અમદાવાદમાં સામાન્ય તાપમાન 40 ડિગ્રીથી ઉપર નોંધાયું હતું. 11 અને 12 એપ્રિલે તાપમાન 40 ડિગ્રીથી નીચે ગયું હતું, જ્યારે 10 એપ્રિલે 43.3 ડિગ્રી નોંધાયું હતું.
આગામી 3 દિવસ દરમિયાન 18 એપ્રિલ સુધી ઉત્તર પશ્ચિમ ભારતમાં મહત્તમ તાપમાનમાં 2-4° સેલ્સિયસનો ધીમે ધીમે વધારો થવાની શક્યતા છે અને ત્યારબાદના 3-4 દિવસ દરમિયાન 2-3° સેલ્સિયસનો ધીમે ધીમે ઘટાડો થવાની શક્યતા છે. આગામી 4 દિવસ દરમિયાન મધ્ય ભારતમાં મહત્તમ તાપમાનમાં 2-3°C નો ધીમે ધીમે વધારો થવાની સંભાવના છે અને ત્યારબાદના 3 દિવસ દરમિયાન કોઈ નોંધપાત્ર ફેરફાર થશે નહીં.
ભારતીય હવામાન વિભાગ (IMD) એ જણાવ્યું છે કે આ વખતે ચોમાસુ (Gujarat Monsoon) સામાન્ય કરતાં સારું રહેશે. જૂનથી સપ્ટેમ્બર સુધી સારો વરસાદ પડશે. હવામાન વિભાગના જણાવ્યા અનુસાર, આ વખતે સામાન્ય કરતાં 105% વધુ વરસાદની શક્યતા છે, જે ખેડૂતો અને ખેતી માટે સારો સંકેત છે. IMD મુજબ, 2025 માં 105% એટલે કે 87 સેમી વરસાદની શક્યતા છે. ચોમાસાની ઋતુ 4 મહિના સુધી ચાલે છે, જેના માટે લાંબા ગાળાની સરેરાશ (LPA) 868.6 મીમી એટલે કે 86.86 સેમી છે. આનો અર્થ એ થયો કે આખી સીઝન દરમિયાન આટલો બધો વરસાદ પડશે. આ વર્ષે ચોમાસુ સામાન્ય રહેશે અને દેશમાં ચાર મહિનાના લાંબા ગાળાના સરેરાશ વરસાદના 103% વરસાદ પડવાની ધારણા છે. તેનો અર્થ એ કે ચોમાસુ (Monsoon) સારું રહેવાની શક્યતા છે.
આ પણ વાંચો:ગુજરાતમાં આજથી ગરમી ફરી તીવ્ર બનશે, આગામી 5 દિવસ ગરમીનો પારો ઊંચો રહેશે
આ પણ વાંચો:આજથી રાજ્યમાં તાપમાનમાં થશે વધારો, લૂ લાગવાની શક્યતા વધુ
આ પણ વાંચો:ગુજરાત સહિત ઉત્તર ભારત ગરમીની ઝપેટમાં, ગરમીથી લોકો ત્રાહિમામ
