Wethear News: હવામાન વિભાગે દેશમાં ફરી એકવાર પ્રચંડ હવામાનની ચેતવણી જાહેર કરી છે. ઉત્તરાખંડ અને મધ્ય પ્રદેશ સહિત કુલ 19 રાજ્યોમાં ભારે વરસાદ (Rain) ની આગાહી કરવામાં આવી છે.
હવામાન વિભાગ મુજબ અનેક વિસ્તારોમાં ભારે પવન ફૂંકાવાની શક્યતા છે. કેટલીક જગ્યાએ પવનની ઝડપ 80 કિમી પ્રતિ કલાક સુધી પહોંચી શકે છે.
આ ઉપરાંત ભારે વરસાદ સાથે વીજળી પડવાની પણ શક્યતા વ્યક્ત કરવામાં આવી છે, જેના કારણે તંત્રને સતર્ક રહેવા સૂચના આપવામાં આવી છે.
હવામાન વિભાગે દેશના 19થી વધુ રાજ્યોમાં આંધી-તૂફાન અને ભારે વરસાદનું એલર્ટ જાહેર કર્યું છે. સાથે જ બિહાર અને અંડમાનમાં 60 કિમી પ્રતિ કલાકની ઝડપે પવન ફૂંકાવાની ચેતવણી આપવામાં આવી છે.
દિલ્લીમાં મહત્તમ તાપમાનમાં લગભગ 1થી 2 ડિગ્રી સેલ્સિયસનો વધારો અને ન્યૂનતમ તાપમાનમાં 1થી 2 ડિગ્રી સેલ્સિયસનો ઘટાડો નોંધાયો છે.
પાછલા 24 કલાક દરમિયાન દિલ્લીમાં મહત્તમ તાપમાન 40થી 41 ડિગ્રી સેલ્સિયસ અને ન્યૂનતમ તાપમાન 24થી 25 ડિગ્રી સેલ્સિયસ નોંધાયું હતું. આ દરમિયાન આકાશ સામાન્ય રીતે સ્વચ્છ રહ્યું હતું.
હવામાન વિભાગે શનિવારે જણાવ્યું કે મોનસૂન આજે દક્ષિણ-પૂર્વ અરબી સમુદ્ર, બંગાળની ખાડીના દક્ષિણ-પશ્ચિમ અને દક્ષિણ-પૂર્વ ભાગોમાં, અંડમાન સમુદ્રના મોટા ભાગના વિસ્તારોમાં, સમગ્ર નિકોબાર દ્વીપસમૂહ તથા શ્રી વિજયપુરમ સહિત અંડમાન દ્વીપસમૂહના કેટલાક ભાગોમાં પ્રવેશી ગયું છે. હવામાન વિભાગનું અનુમાન છે કે આ વર્ષે મોનસૂન સમય કરતાં વહેલું કેરળ પહોંચી શકે છે.
હવામાન વિભાગ મુજબ દક્ષિણ-પશ્ચિમ મોનસૂન 26 મે આસપાસ કેરળ પહોંચવાની શક્યતા છે, જોકે તેમાં ચાર-પાંચ દિવસનો ફેરફાર થઈ શકે છે. જો એવું થાય તો ખેડૂતો અને ગરમીથી પરેશાન લોકો માટે વહેલી રાહત મળી શકે છે.
