Dwarka News: ગોમતીઘાટ (Gomtighat) ખાતે ગોમતી નદીમાં સ્નાન કરવા ઉતરેલા બે યાત્રિકો અચાનક પાણીના ઊંડાણ અને તેજ પ્રવાહમાં સપડાતા ડૂબી જવાની ઘટના સામે આવી છે. ઘટના બાદ ઘાટ વિસ્તારમાં અફરાતફરીનો માહોલ સર્જાયો હતો અને મોટી સંખ્યામાં લોકો એકત્ર થઈ ગયા હતા.
Gomtighat પર સ્નાન દરમિયાન અકસ્માત
પ્રાથમિક માહિતી મુજબ, બંને યાત્રિકો દર્શન બાદ ગોમતી નદી (Gomtighat)માં ઉતર્યા હતા. દરમિયાન અચાનક સંતુલન ગુમાવતા બંને પાણીમાં ગરકાવ થઈ ગયા હતા. ઘટનાની જાણ થતા આસપાસ હાજર સ્થાનિક લોકો તરત જ મદદ માટે દોડી આવ્યા હતા. ત્યારબાદ ફાયર બ્રિગેડ અને બચાવદળની ટીમને પણ જાણ કરવામાં આવી હતી.
રેસ્ક્યૂ ઓપરેશન દરમિયાન એક યાત્રિકને સુરક્ષિત રીતે બહાર કાઢવામાં સફળતા મળી હતી. બચાવાયેલા યાત્રિકને તાત્કાલિક સારવાર માટે નજીકની હોસ્પિટલમાં ખસેડવામાં આવ્યો હોવાનું જાણવા મળ્યું છે. બીજી તરફ, અન્ય એક યુવક નદીમાં લાપતા બનતા તેની શોધખોળ માટે સતત સર્ચ ઓપરેશન હાથ ધરવામાં આવ્યું છે.
ફાયર બ્રિગેડ, સ્થાનિક તરવૈયાઓ અને તંત્રની ટીમ દ્વારા નદીના વિવિધ વિસ્તારોમાં તપાસ શરૂ કરવામાં આવી છે. ઘટનાને પગલે યાત્રાધામ વિસ્તારમાં ચિંતા અને દુઃખનો માહોલ જોવા મળી રહ્યો છે.સ્થાનિક તંત્ર દ્વારા યાત્રાળુઓ અને પ્રવાસીઓને ખાસ સાવચેતી રાખવા સૂચના આપવામાં આવી છે. નદીમાં સ્નાન અથવા પાણી નજીક જતા સમયે સુરક્ષા નિયમોનું પાલન કરવા તેમજ જોખમી વિસ્તારોમાં ન જવા અપીલ કરવામાં આવી છે.
આ પણ વાંચો:ભુજના નાગોર રેલવે સ્ટેશન પાસેના પાણીના ખાડામાં ડૂબી જતા બે સગી બહેનોના મોત
આ પણ વાંચો:અમેરિકા જવાની ઘેલછામાં વિજાપુરના પરિવારે 2 વ્હાલસોયા સંતાન ગુમાવ્યા
