સેબીએ બે વર્ષમાં ટ્રેડિંગ મેમ્બર્સની નેટવર્થની જરૂરિયાતને ઓછામાં ઓછા 1 કરોડ રૂપિયા સુધી વધારવાની તેમજ વધતા રોકાણકારો વચ્ચે સંભવિત જોખમો ઘટાડવાના પ્રયાસોના ભાગરૂપે સભ્યોને ક્લિયર કરવા માટે નેટવર્થ થ્રેશોલ્ડનો પ્રસ્તાવ મૂક્યો છે. ટ્રેડિંગ મેમ્બર્સ ઉપરાંત, પ્રોફેશનલ ક્લિયરિંગ મેમ્બર્સ ઉપરનું પુરતું ધ્યાન અને ડિપોઝિટરી સહભાગીઓ માટે તબક્કાવાર રીતે નેટવર્થની જરૂરિયાત વધારવાનું સૂચન કર્યું છે. સેબીએ જણાવ્યું કે ટ્રેડિંગ મેમ્બર્સ (ટીએમએસ) જે બિઝનેસ કરે છે અને તેમની પાસે રહેલા ગ્રાહકોની સંખ્યાની સરખામણીમાં હાલની બેઝ નેટવર્થની જરૂરિયાતો ખૂબ જ ઓછી છે.
ઓક્ટોબર 2023 સુધીમાં TMs માટે બેઝ નેટવર્થ વધારીને 1 કરોડ રૂપિયા કરવાનો પ્રસ્તાવ છે. હાલમાં, TMs માટે લઘુત્તમ નેટવર્થની જરૂરિયાત વિવિધ સેગમેન્ટ્સ અથવા વિવિધ સ્ટોક એક્સચેન્જો માટે 10 લાખ રૂપિયાથી 1 કરોડ રૂપિયા સુધી કરાઇ છે.
ઉપરાંત સેબીએ ટ્રેડિંગ-કમ-સેલ્ફ ક્લિયરિંગ મેમ્બર્સ (TM-SCM) માટે ઓક્ટોબર 2022 સુધીમાં 3 કરોડ રૂપિયા અને ઓક્ટોબર 2023 સુધીમાં 5 કરોડ રૂપિયાની બેઝ નેટવર્થની જરૂરિયાત વધારવાનો પ્રસ્તાવ મૂક્યો છે.
વેરિયેબલ નેટવર્થ માટે, નિયમનકારે પ્રસ્તાવ મૂક્યો છે કે ક્લાયન્ટના સરેરાશ રોકડ બેલેન્સનો 10 ટકા હિસ્સો છેલ્લા છ મહિનામાં સેગમેન્ટ્સ અથવા એક્સચેન્જોમાં સભ્યો સાથે જાળવી રાખવો જોઈએ. સેબીએ જણાવ્યું કે નેટવર્થ ક્લાયન્ટ ફંડના રક્ષણ પર ધ્યાન કેન્દ્રિત કરવું જોઈએ.
સેબીએ નોંધ્યું હતુ કે ભારતીય મૂડી બજારની કામગીરીમાં વેપારનું સમજદાર માર્જિનિંગ, કેન્દ્રીકૃત ડિપોઝિટરીઓ દ્વારા ક્લાયંટ સિક્યોરિટીઝ હોલ્ડિંગ અને પાવર ઓફ એટર્ની (પીઓએ) હેઠળ બ્રોકરો દ્વારા ક્લાયન્ટ સિક્યોરિટીઝના ઉપયોગમાં પ્રતિબંધો અને ક્લાયન્ટ ફંડ્સના ચાલતા ખાતાની પતાવટની જરૂરિયાતનો સમાવેશ થાય છે. વર્ષોના સમયગાળા દરમિયાન સ્ટોક એક્સચેન્જોના વિવિધ સેગમેન્ટમાં ટર્નઓવરમાં નોંધપાત્ર વધારો અને સિક્યોરિટીઝ માર્કેટમાં ભાગ લેનારા રોકાણકારોની સંખ્યામાં નોંધપાત્ર વધારો જોતાં યોગ્ય લાગે છે કે સભ્યોની નેટવર્થની સમીક્ષા વિવિધ સ્ટોક એક્સચેન્જોના વિભાગો હાથ ધરવામાં આવી શકે છે.
કરન્સી ડેરિવેટિવ્ઝ સેગમેન્ટમાં TM-SCM ને રૂ. 5 કરોડની ઓછામાં ઓછી નેટવર્થની હાલની જરૂરિયાત લાગુ રહેશે. ટ્રેડિંગ-કમ-ક્લિયરિંગ મેમ્બર (TM-CM) અને પ્રોફેશનલ ક્લિયરિંગ મેમ્બર (PCM) ના કિસ્સામાં, પ્રસ્તાવિત બેઝ નેટ વર્થ અનુક્રમે 10 કરોડ અને 25 કરોડ રૂપિયા છે, જે ઓક્ટોબર 2022 સુધીમાં પૂર્ણ થશે. કન્સલ્ટેશન પેપર મુજબ ઓક્ટોબર 2023 સુધીમાં અનુક્રમે રૂ. 15 કરોડ અને રૂ .50 કરોડ સુધી વધશે. 18 ઓક્ટોબર સુધી કન્સલ્ટેશન પેપર પર અભિપ્રાય મંગાવવામાં આવ્યા છે.
