કોમનવેલ્થ ગેમ્સ 2022માં ભારતે 9મીની શરૂઆત સુધી 9 ગોલ્ડ મેડલ જીત્યા છે. તેની શરૂઆત વેઈટલિફ્ટિંગ ઈવેન્ટ્સથી થઈ હતી અને કુસ્તીની ઈવેન્ટ્સ શરૂ થતાં જ ગોલ્ડ મેડલનો ધમધમાટ જોવા મળ્યો હતો. હજુ પણ કેટલાક ગોલ્ડ મેડલ ભારતની બેગમાં આવી શકે છે. જેમાં હોકી, ક્રિકેટ ઉપરાંત કુસ્તી અને વેડમિન્ટનની ઈવેન્ટમાંથી ગોલ્ડની અપેક્ષા રાખવામાં આવે છે. આવો મળીએ આ 9 તસવીરોમાં ભારત માટે ગોલ્ડ જીતનાર નવરત્નોને…
મીરાબાઈ ચાનુએ જીત્યો પહેલો ગોલ્ડ
વેઈટલિફ્ટર મીરાબાઈ ચાનુએ કોમનવેલ્થ ગેમ્સ 2022માં પહેલો ગોલ્ડ મેડલ જીતીને ભારતનું ખાતું ખોલાવ્યું હતું. મીરાબાઈ ચાનુએ કોમનવેલ્થ ગેમ્સમાં 49 કિગ્રા વજન વર્ગમાં વજન ઉઠાવીને ગોલ્ડ મેડલ જીત્યો છે. રાષ્ટ્રપતિ, પીએમ મોદી સહિત દેશભરના લોકોએ મીરાબાઈને તેમની જીત પર અભિનંદન પાઠવ્યા હતા.
19 વર્ષનો તૂફાન જેરેમી લાલરિનુંગા
19 વર્ષના વેઈટલિફ્ટર જેરેમી લાલરિનુંગાએ પુરુષોની 67 કિગ્રા વર્ગમાં ગોલ્ડ મેડલ જીત્યો છે. જેરેમીએ કુલ 300 કિલો વજન ઉપાડીને ગોલ્ડ જીત્યો હતો. જેરેમીની નજર હવે પેરિસ ઓલિમ્પિક પર છે અને તે દેશ માટે ઘણા મેડલ જીતવા માગે છે.
અંચિતાએ જીત્યો ગોલ્ડ મેડલ
20 વર્ષીય અચિંતા શેઉલીએ 73 કિગ્રા વજન વર્ગમાં ગોલ્ડ મેડલ જીતીને ભારતનું નામ રોશન કર્યું છે. અચિંતાએ રેકોર્ડબ્રેક પ્રદર્શન કરીને કુલ 313 કિલો વજન ઉપાડ્યું. પીએમ મોદીએ તેમને અભિનંદન પાઠવ્યા હતા. અંચિતાના પરિવારજનો પણ જીત પર ખુશ હતા.
ભારતીય મહિલાઓએ રચ્યો ઈતિહાસ
ભારતની મહિલા લોન બોલ ખેલાડીઓએ 92 વર્ષ બાદ પ્રથમ વખત આ ઈવેન્ટમાં ગોલ્ડ મેડલ જીત્યો છે. આમાંથી બે મહિલાઓ ઝારખંડની રહેવાસી છે. તેણે કોમનવેલ્થ ગેમ્સમાં શાનદાર પ્રદર્શન કરીને રેકોર્ડ બનાવ્યો છે.
મેન્સ ટેબલ ટેનિસમાં ગોલ્ડ
કોમનવેલ્થ ગેમ્સમાં પુરુષોની ટેબલ ટેનિસ સ્પર્ધામાં ભારતીય ટીમે શાનદાર પ્રદર્શન કરીને ગોલ્ડ મેડલ જીત્યો હતો. ટીમના ખેલાડીઓ જી સાથિયાન, શરથ કમલ અને સાનિલે શાનદાર પ્રદર્શન કર્યું છે.
પારાલિફ્ટર સુધીરે જીત્યો ગોલ્ડ મેડલ
પારાલિફ્ટર સુધીરે ભારત માટે ગોલ્ડ મેડલ જીત્યો છે. સુથિરે પેરા ઈવેન્ટમાં શાનદાર રમત બતાવીને આ મેડલ જીત્યો છે. સુધીર, જે હરિયાણાનો છે, તેને આગળ પણ મેડલ જીતવાની આશા છે.
સાક્ષી મલિકે ગોલ્ડ મેડલ જીત્યો
રેસલર સાક્ષી મલિકે 62 કિગ્રા વર્ગમાં ગોલ્ડ મેડલ જીત્યો હતો. સાક્ષીએ કેનેડિયન કુસ્તીબાજને હરાવીને કોમનવેલ્થમાં પહેલો ગોલ્ડ જીતવાનું લક્ષ્ય પૂર્ણ કર્યું. અગાઉ તે 2018માં સિલ્વર મેડલ અને 2014માં બ્રોન્ઝ મેડલ જીતી ચૂકી છે.
બજરંગનો દબદબો યથાવત
કોમનવેલ્થ રેસલિંગની 65 કિગ્રા કેટેગરીમાં બજરંગ પુનિયાએ સેમિફાઇનલ મેચ 10-0થી જીતી લીધી હતી. ફાઈનલ મેચમાં પણ તેણે કેનેડાના રેસલરને 9-2થી હરાવીને ગોલ્ડ મેડલ જીત્યો હતો. આ પહેલા બજરંગે 2014 કોમનવેલ્થ ગેમ્સમાં સિલ્વર મેડલ જીત્યો હતો.
દીપક પુનિયાએ ગોલ્ડ મેડલ જીત્યો
રેસલર દીપક પુનિયાએ ફ્રી સ્ટાઇલ રેસલિંગની 86 કિગ્રા વજન વર્ગમાં ગોલ્ડ મેડલ જીત્યો છે. તે એટલા માટે પણ ખાસ બની જાય છે કારણ કે ફાઇનલમાં દીપકે પાકિસ્તાની રેસલરને 3-0થી હરાવીને ગોલ્ડ જીત્યો હતો.
આ પણ વાંચો:CMની હાજરીમાં શહેર કોંગ્રેસ પ્રમુખનો આત્મવિલોપનનો પ્રયાસ
આ પણ વાંચો:મની લોન્ડરિંગ કેસમાં સંજય રાઉતની પત્ની ED સમક્ષ હાજર, મોટી સંખ્યામાં પોલીસકર્મીઓ તૈનાત
