દિલ્હી હાઈકોર્ટે ગુરુવારે સીરમ ઇન્સ્ટિટ્યૂટ ઓફ ઈન્ડિયા અને ભારત બાયોટેકને કોરોના રસી તૈયાર કરવાની આઆટા વિષે જાણકારી આપવા માટે કહ્યું હતું. તે જ સમયે, હાઇકોર્ટે કડક ટિપ્પણી કરી છે કે અમે અન્ય દેશોમાં વેક્સિન વેચીએ છીએ, પરંતુ તે આપણા પોતાના લોકોને આપી શકતા નથી. સીરમ સંસ્થા કોવિશિલ્ડ રસીનું ઉત્પાદન કરી રહી છે, જ્યારે ભારત બાયોટેક કોવેક્સીનનું ઉત્પાદન કરી રહી છે.
કોર્ટે કેન્દ્ર સરકારને પણ સ્પષ્ટ શબ્દોમાં કહ્યું હતું કે, કોવિડ -19 રસી મેળવવા માટે લોકોનું વર્ગીકરણ કેમ કરવામાં આવી રહ્યું છે. તે વિષે સ્પષ્ટતા કરે.
કેન્દ્ર સરકારે તબક્કાવાર રીતે કોરોના રસીકરણને મંજૂરી આપી છે. આ અંતર્ગત પ્રથમ તબક્કામાં આરોગ્ય કર્મચારીઓ અને ફ્રન્ટલાઈન કામદારોની રસીકરણ કરવામાં આવ્યું છે. હવે, બીજા તબક્કામાં 60 વર્ષથી વધુ ઉંમરના લોકોને રસી આપવામાં આવી રહી છે. આ ઉપરાંત 45 થી 60 વર્ષની વય જૂથમાં જેમને પહેલેથી જ કોઈ ગંભીર બીમારી છે તેને રસી આપવામાં આવી રહી છે.
‘કંપનીઓ પાસે વધુ રસી આપવાની ક્ષમતા છે’
ન્યાયાધીશ વિપિન સંઘી અને ન્યાયાધીશ રેખા પલ્લીની ખંડપીઠે કહ્યું કે સીરમ ઇન્સ્ટિટ્યૂટ ઓફ ઈન્ડિયા અને ભારત બાયોટેક બંને સંસ્થાઓ વધુ રસી પૂરી પાડવા માટેની ક્ષમતા ધરાવે છે, પરંતુ તેઓ તેનો સંપૂર્ણ લાભ લેતા હોય તેવું લાગતું નથી. બેંચે કહ્યું કે, અમે તેનો સંપૂર્ણ ઉપયોગ કરી રહ્યા નથી. અમે કાં તો તે અન્ય દેશોને દાનમાં આપી રહ્યા છીએ અથવા તેમનું વેચાણ કરી રહ્યા છીએ અને અમારા લોકોને રસી આપી રહ્યા નથી. તેથી, આ મામલે જવાબદારી અને તાકીદની ભાવના હોવી જોઈએ. “કોર્ટે દિલ્હી સરકારને કોર્ટ પરિસરમાં ઉપલબ્ધ તબીબી સુવિધાઓનું નિરીક્ષણ કરવા અને આ સુવિધાઓમાં કોવિડ -19 રસીકરણ કેન્દ્રો સ્થાપિત કરી શકાય છે કે કેમ તેવું કહ્યું હતું. કોર્ટ દિલ્હી બાર કાઉન્સિલની અરજી પર સુનાવણી કરી રહી હતી, જેમાં ન્યાયિક પ્રક્રિયામાં સામેલ તમામ લોકોને ન્યાયાધીશ, કોર્ટના કર્મચારીઓ અને વકીલો સહિતનાઓને ફ્રન્ટ ફ્રન્ટના કર્મચારી તરીકે વર્ગીકૃત કરવાની માંગ કરવામાં આવી હતી.
