Digital Arrest Scam: અમદાવાદના સિનિયર સિટીઝન પ્રોફેસર ડિજિટલ એરેસ્ટ સ્કીમનો શિકાર (Digital Arrest Scam) બન્યા છે. પોલીસની તપાસમાં સામે આવ્યું છે કે આરોપીઓએ પોતાની ઓળખ EDના અધિકારી તરીકે આપી અને મનિલોન્ડ્રિંગ સ્કીમ દ્વારા ફરિયાદી સાથે કૌભાંડ આચર્યું .
ED અને RBI નકલી લેટર મોકલી આચર્યું કૌભાંડ
તપાસ મુજબ, આરોપીઓએ RBI અને EDનો નકલી લેટર મોકલી રકમની લે-દે કરી. સમગ્ર કૌભાંડ દ્વારા આચરેલી રકમ ચાર મુખ્ય એકાઉન્ટમાં ટ્રાન્સફર કરવામાં આવી હતી, જેમાં મુખ્ય એકાઉન્ટ ધારકો હતા: જનક, અનિકેત, હિતેન્દ્ર અને નયન. દરેક ટ્રાન્સફર માટે તેમને ૨૫ હજાર રૂપિયા કમિશન આપવામાં આવતા.
રાજસ્થાનના લોકો પણ સંપર્કમાં
આવા લેણદેણમાં રાજસ્થાનના લોકોના સંપર્ક પણ ખુલ્યા છે, જેમની તપાસ હાલ ચાલી રહી છે. ફરિયાદી સાથે સંવાદ કંબોડિયાથી કોલ દ્વારા કરવામાં આવતો હતો, અને ટ્રાન્સફર બિહાર, આસામ, દિલ્હી સહિતના વિવિધ રાજ્યોના એકાઉન્ટમાં કરવામાં આવ્યા.
આરોપીઓ ચાઇનીઝ ગેંગ સાથે સંકળાયેલા
તપાસમાં સામે આવ્યું છે કે આરોપીઓ ચાઇનીઝ ગેંગ સાથે સંકળાયેલા હતા. ચોરી કરેલા રૂપિયા ક્રિપ્ટોકરેન્સીમાં કન્વર્ટ કરીને ચાઇનીઝ ગેંગને મોકલવામાં આવતાં. આ ગેંગ આરોપીઓને પોલીસની ટ્રેપમાંથી કેવી રીતે બચવું તે શિખવાડતો હતો.
Digital Arrest Scamમાં આરોપીની અટકાયત
આરોપીઓમાં હિતેન્દ્ર સોલંકી, અનિકેત સહિતના લોકો મુખ્ય છે. તપાસમાં, હિતેન્દ્ર સોલંકી સટ્ટામાં છ લાખ રૂપિયા ગુમાવ્યા હતા, તે પણ સામે આવ્યું. હાલ પોલીસે કુલ 12 આરોપીઓની ધરપકડ કરી છે અને ડિજિટલ એરેસ્ટ કૌભાંડ (Digital Arrest Scam) ના મૂળ સુધી પહોંચવા માટે કાર્યવાહી હાથ ધરી છે. આ કેસમાં વધુ તપાસ ચાલુ છે અને પોલીસ આરોપીઓના નેટવર્કને સુધી પહોંચવાની કોશિશ કરી રહી છે.
