Rajkot News: રાજકોટ(Rajkot)ના રિલાયન્સ મેગામોલમાં આવેલા મેકડોનાલ્ડ્સ(McDonalds)માં ગંભીર બેદરકારી સામે આવી છે. એક એવો કિસ્સો પ્રકાશમાં આવ્યો છે જેમાં એક વ્યક્તિની ધાર્મિક લાગણીઓને ઠેસ પહોંચી છે. વિરાણી નામના યુવકે વેજ બર્ગરનો ઓર્ડર આપ્યો હતો, પરંતુ વેજ બર્ગરને બદલે ચિકનવાળું નોન-વેજ બર્ગર મોકલવામાં આવતાં ગ્રાહક રોષે ભરાયો હતો.
ત્યારે આ સમગ્ર મામલામાં ગ્રાહકના વકીલે જણાવ્યું છે કે ગ્રાહક જ્યારે મેકડોનાલ્ડ્સ ગયો અને ત્યાંના અધિકારીઓને આ અંગે જાણ કરી અને તેમની માફી પણ માંગી. ગ્રાહકોની ભીડને કારણે આવી ભૂલ થઈ હોવાનું પણ સ્વીકારવામાં આવ્યું હતું. જોકે મારા ક્લાયન્ટે આ સંદર્ભમાં કાનૂની કાર્યવાહી કરવાની તૈયારી દર્શાવી છે. જેના સંદર્ભમાં મેં ગ્રાહક કોર્ટમાં કેસ દાખલ કરવાની પ્રક્રિયા શરૂ કરી છે.
ગત રવિવારે, કેવલ વિરાણી નામના એક યુવકે સ્વિગી ડિલિવરી એપ દ્વારા મેકડોનાલ્ડ્સમાંથી 6 વેજ બર્ગરનો ઓર્ડર મંગાવ્યો હતો. જેમાંથી ઓર્ડરમાં 4 વેજવાળા અને 2 નોન-વેજવાળા બર્ગર હતા. ભૂલથી કેવલ વિરાણીના પરિવારમાંથી એક વ્યક્તિએ નોન વેજ બર્ગર ખાતા ધર્મ ભ્રષ્ટ થયાની લાગણી અનુભવી હતી. આમ, મેકડોનાલ્ડ્સની આ ભૂલને કારણે, વૈષ્ણવ પરિવારને લાગ્યું કે તેઓ તેમના ધર્મથી ભટકી ગયા છે. પીડિત ગ્રાહકે ગ્રાહક કોર્ટમાં કેસ દાખલ કરવાની પ્રક્રિયા શરૂ કરી છે.
તો, આ ઘટના અંગે, મેકડોનાલ્ડ્સના સંપર્ક અધિકારી બિપિન પોપટે કહ્યું, “અમે અમારા સ્તરે તપાસ કરી રહ્યા છીએ. અમને દરરોજ ઘણા ઓર્ડર મળે છે. જો અમારા સ્ટાફે ભૂલ કરી હોય, તો અમારો કોઈના ધર્મને બદનામ કરવાનો કોઈ ઈરાદો નથી. અમે શાકાહારી અને માંસાહારી અંગેના સરકારના નિયમોનું પાલન કરીએ છીએ. અમે વૈષ્ણવ સંપ્રદાયના પણ છીએ. અમે જવાબદાર સ્ટાફ સામે કાર્યવાહી કરીશું. ભૂલ માટે અમે માફી માંગીએ છીએ.”
આ પણ વાંચો:ડિલિવરી બોયએ આપ્યો ગ્રાહકને ઠપકો; કહ્યું- તમે ખોટું કરી રહ્યા છો
આ પણ વાંચો:અમદાવાદમાં સિટી કોર્નર રેસ્ટોરન્ટમાં ગ્રાહકને થયો કડવો અનુભવ
આ પણ વાંચો:ડોમીનોઝ પીઝાના ગ્રાહકને અપાયેલા પાર્સલમાં માખી નીકળતાં ફૂડ તંત્ર દોડતું થયું
