Sihor News: ભાવનગર જિલ્લાના સિહોરમાં નગરપાલિકા (Sihor Municipality)ના કામકાજને લઈને રાજકીય ગરમાવો જોવા મળી રહ્યો છે. સિહોર નગરપાલિકામાં રૂ. 47 કરોડના ભ્રષ્ટાચારનો આક્ષેપ વિરોધ પક્ષના નેતા જયરાજસિંહ મોરી દ્વારા કરવામાં આવ્યો છે. તેમણે આરોપ લગાવ્યો છે કે વર્ષ 2019માં કરોડોના ખર્ચે કરવામાં આવેલી ગટર લાઈનની કામગીરીમાં મોટા પાયે ગેરરીતિઓ થઈ છે. આ મામલે તંત્રની કામગીરી અને ખર્ચ સામે ગંભીર સવાલો ઉભા કરવામાં આવ્યા છે.
2019માં કરોડોના ખર્ચે નાખવામાં આવી હતી ગટર લાઈન
વિરોધ પક્ષના નેતા જયરાજસિંહ મોરીના જણાવ્યા અનુસાર સિહોરમાં વર્ષ 2019 દરમિયાન કરોડો રૂપિયાના ખર્ચે ગટર લાઈનનું કામ કરવામાં આવ્યું હતું. આ કામગીરીમાં ગુણવત્તા અને ખર્ચને લઈને શંકા વ્યક્ત કરતા તેમણે આક્ષેપ કર્યો છે કે કામમાં મોટા પાયે ભ્રષ્ટાચાર થયો હોઈ શકે છે.
વિજિલન્સ તપાસનો ઠરાવ પસાર કરાયો હતો
આ સમગ્ર મામલે સિહોર નગરપાલિકા (Sihor Municipality) દ્વારા વિજિલન્સ તપાસ માટેનો ઠરાવ પણ પસાર કરવામાં આવ્યો હોવાનું જણાવવામાં આવ્યું છે. જોકે, હવે વિપક્ષ દ્વારા આ તપાસને વધુ અસરકારક રીતે આગળ વધારવાની માંગ કરવામાં આવી રહી છે.
Sihor Municipality:RTIમાં રેકોર્ડ ન મળ્યાનો આરોપ
જયરાજસિંહ મોરીએ RTI હેઠળ માહિતી માંગતા કામ સંબંધિત સંપૂર્ણ રેકોર્ડ ઉપલબ્ધ ન થયો હોવાનો આરોપ લગાવ્યો છે.રેકોર્ડ ન મળવાના કારણે કામની પારદર્શિતા અને તંત્રની કામગીરી સામે ગંભીર સવાલો ઉભા થયા હોવાનું તેમણે જણાવ્યું છે.
તંત્ર સામે ઉઠ્યા સવાલો
વિપક્ષના આક્ષેપો બાદ સિહોર નગરપાલિકા (Sihor Municipality)ના કામકાજને લઈને ચર્ચા શરૂ થઈ છે. કરોડોના ખર્ચ બાદ પણ જો કામના દસ્તાવેજો અને વિગતો સરળતાથી ઉપલબ્ધ ન હોય તો તેની તપાસ જરૂરી હોવાનો મત વ્યક્ત કરવામાં આવી રહ્યો છે.હાલ સમગ્ર મામલે આગળની કાર્યવાહી અને તપાસના પરિણામો પર સૌની નજર છે.
આ પણ વાંચો:7 કરોડનો રોડ કે ભ્રષ્ટાચારનું મોડેલ? રાધનપુરમાં પાણી વચ્ચે બનતા માર્ગને લઈને ઉઠ્યા સવાલ
આ પણ વાંચો:ભ્રષ્ટાચારી એન્જિનિયરના 9 ઠેકાણા પર દરોડા, ભુવનેશ્વરમાં 4 આલીશાન બંગલા અને 13 પ્લોટનો ખુલાસો
