ભારતનાં તમિલનાડુ રાજ્યનાં વિરુધુનગર જીલ્લાનું શહેર શિવકાશી સમગ્ર ભારતમાં ફટાકડાના કારખાના માટે જાણીતું છે. આ ઉપરાંત આ શહેર દીવાસળી બનાવવા માટે અને પ્રિન્ટીંગ ઉદ્યોગ માટે પણ ફેમસ છે. આ શહેરમાં ઘણાં બધાં મંદિરો પણ છે.
શિવકાશી ફટાકડાનાં ઉત્પાદનમાં 90% થી વધુ દીવાસળી અને પ્રિન્ટીંગ ઉદ્યોગનો ફાળો હોય છે એ માટે પણ ફેમસ છે.
પરંતુ આ ફટાકડાઓની ફેકટરીઓમાં કામ કરવું જોખમકારક છે અને ઘણીવાર અહી દુર્ઘટનાઓ ઘટતી રહેતી હોય છે જેમાં ઘણાં લોકોનાં મૃત્યુ પણ થતાં રહેતાં હોય છે.
આવા જોખમી ઉત્પાદનમાં કામ કરવા સિવાય અહીના લોકો માટે બીજો કોઈ વિકલ્પ પણ નથી. રોજગાર માટે 700,000થી પણ વધુ વર્કર્સ આ ઇન્ડસ્ટ્રી પર આધાર રાખે છે.
શિવકાશી મદુરાઈથી 75 કિમી દુર આવેલું છે. શિવકાશીમાં જર્મની બાદ સૌથી વધુ ઓફસેટ પ્રિન્ટીંગ મશીન છે.