યુવરાજ સિંહ છેલ્લા કેટલાક દિવસોથી આઈએસ બિન્દ્રા પંજાબ ક્રિકેટ એસોસિએશન સ્ટેડિયમમાં તેના પંજાબનાં સાથી ખેલાડીઓ સાથે પ્રેક્ટિસ કરી રહ્યો છે. યુવરાજ સિંહ આગામી સૈયદ મુસ્તાક અલી ટી-20 ટૂર્નામેન્ટમાં વાપસી કરવાની તૈયારીમાં છે. યુવીએ નેટ્સ પર લગભગ 45 મિનિટ વિતાવી અને બોલ પર ખૂબ સારી રીતે પ્રહાર કર્યો. આ જોઈને એવું લાગ્યું કે લેફ્ટ હેન્ડેડ બેટ્સમેનનો જાદુઈ સ્પર્શ હજુ પૂર્ણ થયો નથી.
પંજાબનાં 30 ક્રિકેટરોને બે જૂથોમાં વહેંચવામાં આવ્યા હતા, જેમણે ટી-20 ટૂર્નામેન્ટ પહેલા 10 દિવસીય તૈયારી શિબિરમાં ભાગ લીધો હતો. ટી-20 ટૂર્નામેન્ટ 18 ડિસેમ્બરથી લુધિયાણામાં શરૂ થવાની છે. જોકે યુવરાજ સિંહની વાપસી અંગે અનિશ્ચિતતા છે. મેચ ફિટનેસ ન રાખવા માટેનું એક કારણ છે, કારણ કે 39 વર્ષિય યુવરાજ ખૂબ જ અલગ દેખાઇ રહ્યો છે. આ સિવાય યુવરાજ સિંહને ભારતીય ક્રિકેટ બોર્ડ (બીસીસીઆઈ) નાં અધ્યક્ષ સૌરવ ગાંગુલીની મંજૂરી પણ મળી ગઈ છે.
પંજાબ ક્રિકેટ એસોસિએશન (પીસીએ) નાં સચિવ પુનીત બાલીએ કહ્યું કે, અમે બીસીસીઆઈનાં પ્રતિસાદની રાહ જોઈ રહ્યા છીએ. જણાવી દઇએ કે પુનીતે જ યુવરાજને નિવૃત્તિ પર યુ-ટર્ન લેવાની વિનંતી કરી હતી. યુવરાજે જૂન 2019 માં આંતરરાષ્ટ્રીય, આઈપીએલ સહિત ઘરેલું ક્રિકેટમાંથી નિવૃત્તિ લીધી હતી. તેણે પોતે વિદેશી લીગમાં ભાગ લેવા આ કર્યું હતું. આ વર્ષે ઓગસ્ટમાં યુવીએ ટોરોન્ટો નેશનલ્સની તરફથી ગ્લોબલ ટી-20 કેનેડા રમ્યો હતો. ગયા વર્ષે નવેમ્બરમાં અબુધાબીમાં મરાઠા અરેબિયન માટે રમ્યો હતો.
યુવરાજ સિંહની રાજ્ય માટે સન્માન જીતવાની ઇચ્છા ખોટી નથી, પરંતુ બીસીસીઆઈનાં નિયમોથી તમામ સક્રિય ખેલાડીઓને વિદેશી ટી-20 લીગમાં ભાગ લેવાની મનાઇ ફરમાવવામાં આવી છે. તેમાંથી એક મુંબઈનો પ્રવીણ તાંબે છે. તાંબેએ 2018 માં નિવૃત્તિની ઘોષણા કરી અને ત્યારબાદ યુએઈમાં ટી10 લીગ રમવા ગયો. બાદમાં ડિસેમ્બર 2019 ની હરાજીમાં તાંબેને ખરીદી લેવામાં આવ્યો. પરંતુ બીસીસીઆઈએ તેમને આઈપીએલમાં ભાગ લેવાની મંજૂરી આપી ન હોતી અને કહ્યું કે તમે નિવૃત્તિ પછી વિદેશી લીગમાં રમવાનું શરૂ કર્યું. તે જોવું રસપ્રદ રહેશે કે યુવરાજ સિંહને બીસીસીઆઈ તરફથી ગ્રીન સિગ્નલ મળે છે કે નહીં.
ક્લોવિફિકેશનમાં 15 સ્થાનો માટે એડી ચોટીનું જોર લગાવશે 86 Teams
ICC એ જાહેર કર્યો મહિલા ક્રિકેટ વિશ્વ કપનો કાર્યક્રમ, જુઓ
પ્રેક્ટિસ મેચમાં સદીએ મારો આત્મવિશ્વાસ વધાર્યો છે, જે મને ટેસ્ટ સીરીઝમાં કામ આવશે : રિષભ પંત
કે.એલ.રાહુલને લઇને આકાશ ચોપરાનું મોટુ નિવેદન, તે નહી રમી શકે પ્રથમ ટેસ્ટ
મંતવ્ય ન્યૂઝ દ્વારા જાહેર અપીલ –
દેશ – દુનિયા સહિત ગુજરાતમાં પણ કોરોનાએ જ્યારે ફરી માંથુ ઉચક્યુ છે, ત્યારે અમે મંતવ્ય ન્યૂઝ તમામ નાગરીકોને અપીલ કરીએ છીએ કે, આ સમયે કોરોનાથી ડરવાની નહીં, પરંતુ સંયમ સાથે વર્તવાની જરુર છે. બને તેટલો જાહેર સંપર્ક ટાળો, કોરોના માર્ગદર્શીકા અને સરકારનાં સૂચનોનું ચુસ્તપણે પાલન કરો અને સ્વજનોને પણ કરાવો. આ કાળમાં તકેદારીએ જ સ્વસ્થ્ય હોય સંયમ સાથે નિયમોનું પાલન કરી એક જાગૃત નાગરીકની ફરજ બજાવો…
