શનિવાર 14 ઓગસ્ટ પાકિસ્તાનનો સ્વતંત્રતા દિવસ છે તે આજે ઉજવી રહ્યું છે. આ પ્રસંગે ભારતીય અને પાકિસ્તાની સેનાએ જમ્મુ -કાશ્મીરમાં નિયંત્રણ રેખા પાસે મીઠાઈની આપ લે કરી હતી. ભારતીય સેનાના જવાનો ઉત્તર કાશ્મીરના કુપવાડા જિલ્લામાં ચિલીહાના તિથવાલ ક્રોસિંગ પોઇન્ટ નજીક તંગધાર સેક્ટરમાં પાકિસ્તાની સેનાના જવાનોને મીઠાઈ ભેટમાં આપી હતી આ અંગે માહિતી આપતા લશ્કરના અધિકારીએ કહ્યું કે ’14 ઓગસ્ટના રોજ ભારતીય સેનાએ હૂંફ બતાવી અને ચિલીહાના તીથવાલ ક્રોસિંગ પોઈન્ટ પાસે પાકિસ્તાની સેનાને મીઠાઈ આપી. તેમને સ્વતંત્રતા દિવસની શુભેચ્છા પાઠવી અને તેમને ઘણી શુભેચ્છાઓ પણ આપી. ભારતીય સેનાનું આ પગલું દર્શાવે છે કે તે એલઓસી પર શાંતિ જાળવવા તૈયાર રહે છે.
ભારતીય સેના તરફથી કહેવામાં આવ્યું છે કે ભારત વર્ષોથી પ્રયાસો કરી રહ્યું છે કે પાડોશી દેશ પાકિસ્તાન સાથે તેના સંબંધો મજબૂત રહે. આ માટે તે હંમેશા ખાસ પ્રસંગોએ તેમનું હાર્દિક સ્વાગત કરે છે અને આશા રાખીએ છીએ કે સરહદ પર શાંતિ જાળવાય.અધિકારીએ કહ્યું કે અહીંના લોકો ભારતીય સેનાના અસરકારક પગલાંની ખુલ્લેઆમ પ્રશંસા કરે છે. ખાસ કરીને એલઓસીની આસપાસના ગામોમાં રહેતા લોકો ભારતીય સેનાના પ્રયાસોની પ્રશંસા કરે છે. ભારતનો આ સકારાત્મક પ્રયાસ ભવિષ્યમાં બંને દેશો વચ્ચે સરહદ પર શાંતિ જાળવવા માટે પણ ખૂબ મદદરૂપ સાબિત થાય છે.એલઓસી ઉપરાંત પાકિસ્તાન રેન્જર્સ અને બોર્ડર સિક્યુરિટી ફોર્સ (બીએસએફ) એ પણ પાકિસ્તાનના સ્વતંત્રતા દિવસ નિમિત્તે અટારી-વાઘા બોર્ડર પર મીઠાઈની આપ-લે કરી હતી.
