મહિલા શક્તિનો ઇતિહાસ SP સુમન નાલા કરશે એકતા પરેડની આગેવાન

Narmada News: ગુજરાતના કેવડીયામાં 31 ઓક્ટોબરે રાષ્ટ્રીય એકતા દિવસની ભવ્ય ઉજવણી થશે. આ વખ brigade પરેડને પહેલી વાર એક મહિલા અધિકારી લીડ કરશે SP સુમન નાલા. ખેડૂત પરિવારની આ દીકરીએ મહિલા સશક્તિકરણનું જીવંત પ્રતીક બનીને દેશભરમાં પ્રેરણા આપી છે.

પરેડ લીડ કરવું: સપનું સાકારથવા જેવું….

સુમન નાલા માટે પીએમ નરેન્દ્ર મોદી અને સીએમ ભૂપેન્દ્ર પટેલની સામે પરેડ લીડ કરવી એ સપનું પૂરું થવા જેવું છે. તેમણે કહ્યું, “મારા પતિ ઓમપ્રકાશ જાટે 2020માં પરેડ લીડ કરી હતી. તેમને જોઈને મને પણ થયું કે મારે પણ આ કરવું છે.” નોંધનીય છે કે પરેડ લીડ કરવાનો મોકો જીવનમાં માત્ર એક જ વાર મળે છે.

પરેડની તૈયારી 20 દિવસ પહેલાં શરૂ થાય છે. 29 ઓગસ્ટે (31 ઓગસ્ટના બે દિવસ પહેલાં) લીડરની પસંદગી નક્કી થાય છે. પ્રેક્ટિસમાં 15 દિવસ ગાંધીનગરમાં અને 5 દિવસ કેવડીયામાં કરવામાં આવે છે. આ વખતે પરેડમાં મહિલા સશક્તિકરણને વિશેષ મહત્વ અપાયું છે.

સુમન નાલા ગુજરાત કેડરની 2021 બેચની IPS અધિકારી છે. હાલ તેઓ પોલીસ અધિક્ષક (ટેકનિકલ અને SCRB), ગુજરાત તરીકે ફરજ બજાવે છે. અગાઉ બનાસકાંઠાના દાંતા વિભાગમાં સહાયક પોલીસ અધિક્ષક તરીકે કામ કર્યું, જ્યાં:

મહત્વપૂર્ણ તપાસો

સનસનીખેજ ઓનર કિલિંગ કેસ ઉકેલ્યો. ડબલ મર્ડર કેસ માટે SITનું સફળ નેતૃત્વ કર્યું, જેને વ્યાવસાયિક કુશળતા માટે પ્રશંસા મળી.

દાંતાના આદિવાસી વિસ્તારમાં 10 વર્ષથી વધુ સમયથી સામાજિક બહિષ્કારનો ભોગ બનેલા 29 પરિવારોને ઘરે પરત લાવ્યા. વડીલો સાથે સંવાદથી વિશ્વાસ પુનઃસ્થાપિત કર્યો, ઘર પુનઃનિર્માણ, રોજગાર અને પ્રશાસનિક સહાય આપી. આ પ્રયાસથી ન્યાય પ્રણાલી પ્રત્યે વિશ્વાસ અને સામાજિક એકતા મજબૂત થઈ.