ઉત્તરપ્રદેશ : 1 શખ્સ ફક્ત 1 રૂપિયાનું રોકાણ કરી કરોડપતિ બન્યો. આ સાંભળી તમને પણ જરૂર આશ્ચર્ય થયું હશે. એક ફિલ્મનું ગીત આ શખ્સ પર લાગુ પડે છે ‘ઉપર વાલા જબ ભી દેતા, દેતા છપ્પડ ફાડકે… ‘ આ ગીતના શબ્દો ખરેખર ઉત્તરપ્રદેશના એક વ્યક્તિ માટે સાચા સાબિત થયા છે. આજકાલ લોકો ઓનલાઇન ગેમિંગ એપ્સ દ્વારા લાખો લોકો પોતાનું નસીબ અજમાવી રહ્યા છે. IPLદરમિયાન આ ટ્રેન્ડ ઘણો વધી ગયો છે. એ જ રીતે એક વ્યક્તિએ પોતાના મોબાઈલમાં ગેમિંગ એપ ઇન્સ્ટોલ કરી અને એક રૂપિયાનું રોકાણ કરીને ગેમ રમી. થોડા કલાકોમાં તેને ખબર પડી કે તેને કરોડો રૂપિયાનું ઇનામ મળ્યું છે.
નાણેં નાથાલાલ
ઉત્તર પ્રદેશના હરદોઈના થોકના બાબા મંદિર ચૌહાણમાં રહેતો એક વ્યક્તિ વિશ્વાસ નથી કરી શકતો કે તે કરોડપતિ બની ગયો છે. કરોડપતિ બનતા દૂર-દૂરથી લોકો તેને મળવા આવે છે અને તેની સાથે સેલ્ફી લે છે. રાજકુમાર નામના આ વ્યક્તિના ખાતામાં કરોડો રૂપિયા પહોંચી ગયા છે અને હવે તે સમગ્ર વિસ્તારમાં ચર્ચાનો વિષય બન્યો છે. હરદોઈમાં ખાનગી કંપનીમાં નોકરી કરતા યુવકનું સ્વપ્ન સાકાર થયું છે. બાબા નીમ કરૌલીનો એક ભક્ત આજે ₹1નું રોકાણ કરીને કરોડપતિ બની ગયો છે. જિલ્લાના લોકોને આ વાતની જાણ થતાં જ કરોડપતિ બનેલા વ્યક્તિના ઘરે મુલાકાતીઓની સંખ્યામાં વધારો થઈ રહ્યો છે. સંબંધીઓને માહિતી મળતાની સાથે જ કરોડપતિ બનેલા વ્યક્તિના ઘરે સંબંધીઓની કતાર લાગી ગઈ. દરેક જણ હાર પહેરાવીને અભિનંદન આપતા જોવા મળ્યા હતા અને સાથે ₹1નું રોકાણ કરનાર વ્યક્તિ સાથે ફોટો ક્લિક કરાવી રહ્યા છે.
IPL દરમ્યાન ગેમિંગ એપ લોકપ્રિય
હાલમાં દેશમાં ક્રિકેટ પ્રત્યેનો જુસ્સો યુવાનોમાં છવાયેલો છે. IPL ચાલી રહી છે ત્યારે ઘણી ઓનલાઈન ગેમિંગ એપ પણ લોકોને IPLમાં પૈસા લગાવીને કરોડપતિ બનવાના સપના બતાવે છે. અને આ સપનું હરદોઈના યુવાન માટે ખરેખર હકીકત સાબિત થયું છે. એવું કહેવાય છે કે રાજકુમારને મોબાઇલ ગેમિંગ એપ પર IPL દરમિયાન પ્રથમ સ્થાન મળ્યું છે અને તેણે ગેમિંગ એપ દ્વારા 3 કરોડ રૂપિયાની રકમ જીતી છે. રાજકુમારે તેના મોબાઈલ ફોનથી ગેમિંગ એપ પર 1 રૂપિયાનું રોકાણ કર્યું હતું, ત્રણ કલાક પછી તેને ખબર પડી કે તે વિજેતા બની ગયો છે અને તેની ખુશીની કોઈ સીમા નથી.
રાજકુમાર ખરેખર બન્યો રાજકુમાર
3 કરોડ રૂપિયા જીતનાર રાજકુમારના ખાતામાં 2 કરોડ 10 લાખ રૂપિયા આવ્યા છે. બાકીના પૈસા ટેક્સ તરીકે કાપવામાં આવ્યા છે. જ્યારે આ સમાચાર ધીમે ધીમે વિસ્તારમાં ફેલાઈ તો લોકો તેને મળવા રાજકુમાર પાસે આવવા લાગ્યા. લોકો સેલ્ફી લઈ રહ્યા છે અને રાજકુમારને અભિનંદન પાઠવી રહ્યા છે. રાજકુમાર 1997 થી પ્રાઈવેટ જોબ કરી રહ્યો છે, જેમાંથી તે થોડા હજાર રૂપિયા કમાય છે. જો કે, જ્યારે તેના એક મિત્રએ તેને આ એપ વિશે જણાવ્યું ત્યારે રાજકુમારે પણ પોતાનું નસીબ અજમાવવાનું શરૂ કર્યું અને હવે તે કરોડપતિ બની ગયો છે. હવે રાજકુમાર પોતાના વિસ્તારમાં ફેમસ થઈ ગયો છે.
આ પણ વાંચો: Coast Guard/કોસ્ટ ગાર્ડે આંતરરાષ્ટ્રીય દરિયાઈ સીમા રેખા પર 27 બાંગ્લાદેશી માછીમારોને બચાવ્યા
આ પણ વાંચોઃ India Canada news/કેનેડીયન ચૂંટણીમાં હસ્તક્ષેપના દાવાને ભારતે ફગાવ્યો, MEA પ્રવક્તાએ કહ્યું ‘હકીકત આનાથી વિપરીત છે’
આ પણ વાંચોઃ IMD forecast/અંગ દઝાડતી ગરમી વચ્ચે કેવું રહેશે ચોમાસું…
આ પણ વાંચોઃ Delhi crime news/દિલ્હીમાં બાળ તસ્કરી કેસમાં CBIના દરોડા, હોસ્પિટલમાંથી બાળકો ગુમ થવાની ઘટનાઓ વધતા
