ટીમ ઇન્ડિયાના પૂર્વ મહાન ક્રિકેટર સચિન તેંડુલકર મુશ્કેલીના સમયમાં સ્ટીવ સ્મિથની સાથે છે, બોલ ટેમ્પરિંગના વિવાદમાં શામેલ ઓસ્ટ્રેલિયાના ખેલાડી સ્ટિવ સ્મિથને ક્રિકેટ ઓસ્ટ્રેલિયા દ્વારા કરવામાં આવેલા ૧ વર્ષના પ્રતિબંધ મુકવામાં આવ્યા બાદ સ્મિથે સિડની ખાતે એક પત્રકાર પરિષદ યોજી હતી. પ્રેસ કોન્ફરન્સ દરમિયાન સ્મિથ ભાવુક થયો હતો અને આ વિવાદ બદલ માફી માંગી હતી. આ દરમિયાન સ્મિથે જણાવ્યું, “આ ભૂલનો અફસોસ જિંદગીભર રહેશે”.
સચિન તેંડુલકરે ટ્વીટ કરીને કહ્યું હતું કે, ‘સ્મિથને આ વાતનો પછતાવો છે. તેમના પરિવાર વિષે વિચારો કારણ કે ખેલાડીઓ સાથે તેમના પરિવારને પણ આ બધુ સહન કરવું પડે છે. હવે સમય આવી ગયો છે કે આપને પાછળ હટીએ અને તેમને થોડો સમય આપીએ’.
તમને જણાવી દઈકે સ્મિથે ગુરુવારે પત્રકાર પરિષદમાં જણાવ્યું હતું કે આ વિવાદ માટે તે કોઈ પણ સજા ભોગવવા માટે તૈયાર છે. સ્મિથે બોલ ટેમ્પરિંગ મામલે પૂરી જિમ્મેદારી લીધી હતી અને આ ભૂલનો અફસોસ જિંદગીભર રહેશે. આ મારા નેતૃત્વની નિષ્ફળતા છે. મારા દ્વારા ખોટા નિર્ણય લેવાની ગંભીર ભૂલ થઇ છે અને આ તમામ માટે હું જવાબદાર છું.
કેટલાક સારા લોકો પણ ભૂલ કરે છે. મેં પણ મોટી ભૂલ કરી છે અને મારા દ્વારા આ વિવાદ કરવામાં આવ્યો. હું આ માટે શરમ અનુભવું છું, અને હું ક્રિકેટની રમતને પ્રેમ કરું છું. હું યુવાન ખેલાડીઓને ક્રિકેટની રમત માટે પ્રેરિત કરી રહ્યો છું. હું ઈચ્છુ છું કે બાળકો આ રમત રમે. મારા દ્વારા ઓસ્ટ્રેલિયાના પ્રશંસકોને મે જે પીડા આપી છે એના માટે હું માફી માંગું છું.
