જકાર્તા,
ઇન્ડોનેશિયામાં રમાઈ રહેલા ૧૮માં એશિયન ગેમ્સમાં સોમવારે ભારતના ખાતામાં વધુ ૫ મેડલ વધારો થયો છે. એશિયન ગેમ્સના નવમાં દિવસે ભારતીય ખેલાડીઓએ એક ગોલ્ડ, ૩ સિલ્વર મેડલ અને એક બ્રોન્ઝ મેડલ જીતવામાં સફળતા મેળવી છે.
#AsianGames2018: India's Neeraj Chopra wins a gold medal in men's javelin throw final. pic.twitter.com/29BXLADs1i
— ANI (@ANI) August 27, 2018
ભારતીય ખેલાડી નીરજ ચોપરાએ ભાલા ફેંકમાં ગોલ્ડ મેડલ જીતી ભારતને આઠમો ગોલ્ડ અપાવ્યો છે. ૨૦ વર્ષીય નીરજ ચોપરાએ એશિયન ગેમ્સમાં સર્વશ્રેષ્ઠ થ્રો ૮૮૦.૦૬ મીટર સાથે ભાલો ફેંકીને ગોલ્ડ પર નિશાન સાધ્યું છે.
આ મુકાબલામાં નીરજે પૂરી તાકાત સાથે ભાલો થ્રો કર્યો હતો. પહેલીવારમાં તેઓએ ૮૩.૪૬ મીટર દૂર ભાલો થ્રો કર્યો હતો. બીજીવારમાં તેઓ ફાઉલ કરી ગયા હતા. પરંતુ ત્યારબાદ ત્રીજા પ્રયાસમાં ૮૮.૦૬ મીટર, ચોથાવારમાં ૮૩.૨૫ મીટર, પાંચમીવારમાં ૮૬.૬૩ મીટર અને તેઓનો છઠ્ઠો પ્રયાસ ફાઉલ રહ્યો હતો.
#AsianGames2018 : India's Neena Varakil wins a silver medal in women's long jump final. pic.twitter.com/igeqdzXMND
— ANI (@ANI) August 27, 2018
આ ઉપરાંત નીના વરકિલે લોંગ જંપ સ્પર્ધામાં ભારતને વધુ એક સિલ્વર મેડલ અપાવ્યો છે.
#AsianGames2018: India's Sudha Singh wins silver in Women's 3000m Steeplechase. pic.twitter.com/jlnL328qir
— ANI (@ANI) August 27, 2018
સોમવારે ભારતની ધારુન અય્યાસામીએ ૪૦૦ મીટર હર્ડલની સ્પર્ધામાં સિલ્વર મેડલ જીત્યો હતો. ત્યારબાદ સુધા સિંહે ૩૦૦૦ મીટર સ્ટીપચેજમાં સિલ્વર મેડલ જીત્યો હતો.
#AsianGames2018: India's Dharun Ayyaswamy wins silver medal in men's 400m hurdles. pic.twitter.com/xBB5aZDd3S
— ANI (@ANI) August 27, 2018
ભારતીય બેડમિન્ટન સ્ટાર ખેલાડી સાઈના નેહવાલે સૌથી પહેલા બ્રોન્ઝ મેડલ અપાવ્યો હતો. બેડમિન્ટનની સેમીફાઈનલ મેચમાં હાર સાથે બ્રોન્ઝ મેડલથી સંતોષ માનવો પડ્યો હતો.
#AsianGames2018 Saina Nehwal loses to Chinese Taipei's Tai Tzu Ying in Badminton Semi-finals, gets Bronze medal. pic.twitter.com/0WWNm1kk5r
— ANI (@ANI) August 27, 2018
ભારતીય મહિલા શટલર સાઈના નેહવાલ ચીની તાઈપેની જુ યિંગ સામે સીધી ગેમમાં મેચ હારી હતી. સાઈના નેહવાલ ૨૧-૧૭, ૨૧-૧૪ થી સીધા સેટમાં મેચ હારી હતી.
#AsianGames2018 PV Sindhu reaches the finals after beating Japan's Akane Yamaguchi pic.twitter.com/3XSWWcgVoZ
— ANI (@ANI) August 27, 2018
જયારે સ્ટાર મહિલા બેડમિન્ટન ખેલાડી પી વી સિદ્ધુએ એશિયાઇ ગેમ્સના ઈતિહાસમાં બેડમિન્ટન મહિલા ફાઇનલમાં પહોંચનાર પ્રથમ ભારતીય બની છે.
ઓલિમ્પિકમાં મેડલ વિજેતા ખેલાડી સિદ્ધુએ સેમિફાઇનલમાં વિશ્વની બીજા નંબરની ટોપની ખેલાડી જાપાનની અકાને યામાગુચીને રસાકસીભરી મેચમાં ૨૧-૧૭, ૧૫-૨૧, ૨૧-૧૦થી હરાવી હતી.
૧૮માં એશિયાઈ ગેમ્સમાં અત્યારસુધીમાં ભારતના ખાતામાં કુલ ૪૧ મેડલ આવ્યા છે, જેમાં ૮ ગોલ્ડ, ૧૩ સિલ્વર અને ૨૦ બ્રોન્ઝ મેડલનો સમાવેશ થાય છે. ભારત કુલ ૪૧ મેડલ સાથે ૯માં નંબરે છે.
