ભારત અને ઑસ્ટ્રેલિયા વચ્ચેની પાંચ મેચની શ્રેણીની ત્રીજી મેચ રાંચીના ઝારખંડ સ્ટેટ ક્રિકેટ એસોસિએશન ઇન્ટરનેશનલ સ્ટેડિયમ ખાતે રમાશે. ટીમ ભારત 2-0થી આગળ છે, આવી સ્થિતિમાં, ભારતની નજર ત્રીજી વનડે જીતીને સીરીઝમાં અજેય રહી સીરીઝ પર કબજો કરવામાં રહેશે. જો આ મેચમાં ટીમ ઇન્ડિયાએ ઑસ્ટ્રેલિયાને હરાવ્યું, તો તે સતત ચોથી વનડે સીરીઝ જીતશે.
એટલું જ નહિ, ભારત ઘરની જમીન પર 7 મી વનડે સીરીઝ જીતશે. ભારતીય ટીમે ઓક્ટોબર 2015 માં ઘરની જમીન પર છેલ્લી વાર વનડે સીરીઝ હારી હતી. ત્યારે પાંચ વનડે શ્રેણીમાં, દક્ષિણ આફ્રિકાએ ભારત સામે 3-2થી વિજય મેળવ્યો હતો. ત્યારબાદ ટીમ ઇન્ડિયાએ ઘરેલું ગ્રાઉન્ડ પર 6 વન-ડે શ્રેણી રમી અને જીતી લીધી
ભારતીય ટીમના કેપ્ટન વિરાટ કોહલીએ ટોસ જીતીને પ્રથમ ફિલ્ડીંગ કરવાનો નિર્ણય કર્યો હતો. ઓસ્ટ્રેલિયાનો સ્કોર 50 ઓવર બાદ 5 વિકેટે 313 રન બનાવ્યા છે. એરોન ફિન્ચ ની વિકેટ લેવામાં કુલદીપ યાદવને સફળતા મળી હતી. ઉસ્માન ખ્વાજા 104 રને મોહમ્મદ શામીએ આઉટ કર્યો હતો. મેકસવેલ, શોન માર્સ, પીટર હેન્ડ્સકોમ્બ આઉટ થઇ ગયા છે, જયારે માર્ક્સ સ્ટોઇનિસ 31 અને એલેક્સ કેરી 21 રન અણનમ રહ્યા છે.
કુલદીપ યાદવે 3 વિકેટ જયારે મોહમ્મદ શમીએ 1 વિકેટ ઝડપી હતી.
જવાબમાં ભારતીય ટીમની કંગાળ શરૂઆત થઇ હતી. જેમાં ખરાબ ફોર્મમાંથી પસાર થતા શિખર ધવન 1 રન, રોહિત શર્મા 14 રન અને અંબાતી રાયડુ 2 રને જયારે ધોની 26 રને આઉટ થયા હતા. જયારે કોહલી લડાયક બેટિંગ કરતા 123 રન બનાવ્યા હતા. અને ટીમ ઇન્ડિયા 281 મા ઓલ આઉટ થઇ ગયુ હતું.
પેટ ક્મ્મીન્સે 2 વિકેટ જયારે રિચર્ડ્સન અને ઝામ્પાએ 3 મહત્વની વિકેટ ઝડપી છે
છેલ્લા બે વર્ષમાં ટીમ ઇન્ડિયાની ઓડીઆઈ સીરીઝની સફળતા દર 90%ટીમ ઇન્ડિયાએ છેલ્લાં બે વર્ષમાં અત્યાર સુધીમાં 10 વનડે શ્રેણી રમી છે. આમાંથી, તેમણે નવ જીતી છે. આ વર્ષે અત્યાર સુધીમાં ભારતીય ટીમે એક વન-ડે સીરીઝ હારી નથી. જો તે રાંચીમાં જીતે છે, તો તે આ વર્ષે તેમની સતત ત્રીજી વનડે જીતશે. ટીમ ઇન્ડિયા વિરાટ હેઠળની 13 મી દ્વિપક્ષીય વનડે શ્રેણી રમી રહી છે. અત્યાર સુધી રમાયેલી 12 શ્રેણીઓમાંથી, ભારતીય ટીમે 11 જીતી છે.
ધોની પાસે 17 હજાર આંતરરાષ્ટ્રીય રન બનાવનાર છઠ્ઠા ભારતીય બનવાની તક
ટીમના ભૂતપૂર્વ કેપ્ટન મહેન્દ્ર સિંહ ધોની આ મેચમાં 17,000 આંતરરાષ્ટ્રીય રન ફટકારનાર છઠ્ઠા ભારતીય બેટ્સમેન બની શકે છે. હાલમાં, તેમનો ટેસ્ટ, વનડે અને ટી -20 કુલ 16967 રન છે. જો તેઓ ઓસ્ટ્રેલિયા વિરુદ્ધ 33 રન કરે છે, તો તેમની પાસે 17,000 રન થઇ જશે. ધોનીએ અત્યાર સુધી ટેસ્ટમાં 4876 રન, વનડેમાં 10474 અને ટી-20 માં 1617 રન કર્યા છે.
ધોની પહેલા, સચિન તેંડુલકર (34357), રાહુલ દ્રવિડ (24208), વિરાટ કોહલી (19453), સૌરવ ગાંગુલી (18575) અને વીરેન્દ્ર સેહવાગ (17253) એ આ સિદ્ધિ પ્રાપ્ત કરી છે. અત્યાર સુધી ધોનીએ 528 આંતરરાષ્ટ્રીય મેચ રમી છે. તેના નામે 16 સદી અને 106 અડધી સદી છે. તેમની વનડે સરેરાશ 50 કરતા વધારે છે. તેણે આ સીરીઝના પહેલા વનડેમાં અણનમ 59 રનની ઇનિંગ રમી હતી. જો કે, બીજામાં તેઓ શૂન્ય પર આઉટ થઇ ગયા હતા.
https://twitter.com/BCCI/status/1103921142669037568
https://twitter.com/BCCI/status/1103940604168331265
https://twitter.com/BCCI/status/1103926085920538626
