નવી દિલ્હી,
પાકિસ્તાનના પૂર્વ કેપ્ટન શાહિદ આફ્રિદીએ ક્રિકેટમાં સૌથી મોટા ભારતીય ખેલાડીના ફેંસ અંગે ખુલાસો કર્યો છે. આફ્રિદીએ કહ્યું હતું કે, “હું ભારતીય ટીમના પૂર્વ કેપ્ટન અને દિગ્ગજ ખેલાડી એમ એસ ધોનીનો સૌથી મોટો ફેન્સ છું”.
એક અંગેજી અખબાર સાથેની વાતચીતમાં આફ્રિદીએ કહ્યું હતું કે, “૨૦૧૯માં રમનારા વર્લ્ડકપમાં ભારત માટે સારી તક છે અને આ માટે ધોનીને ટીમમાં રહેવું જોઈએ”.
આ ઉપરાંત ધોની અને ભારતીય ટીમના વર્તમાન કેપ્ટન વિરાટ કોહલીની તુલના કરતા કહ્યું હતું કે, એક કેપ્ટન તરીકે કોહલી હાલમાં ધોનીની નજીક પણ નથી”.
આફ્રિદીએ વધુમાં કહ્યું હતું કે, “મોર્ડન ક્રિકેટમાં મહાન બેટ્સમેનની વાત કરવામાં આવે તો, વિરાટ કોહલીનો કોઈ જ જવાબ નથી. તે એક ખેલાડી તરીકે મારા ફેવરેટ ખેલાડી છે, પરંતુ કેપ્ટનશિપમાં પૂર્વ કેપ્ટન ધોની કોહલી કરતા ખુબ આગળ છે”.