ઓવલ,
ભારત અને ઈંગ્લેંડ વચ્ચે રમાઈ રહેલી પાંચ ટેસ્ટની શ્રેણી ટીમ ઇન્ડિયા પહેલેથી ૧-૩થી હારી ચુકી છે. સાઉથમ્પ્ટન ખાતે રમાયેલી ચોથી ટેસ્ટ મેચમાં યજમાન ટીમે પલટવાર કરતા ભારતને ૬૦ રને પરાજય આપ્યો હતો, ત્યારે શનિવારથી ઓવલના મેદાન પર રમાનારી આ ટેસ્ટ મેચ જીતીને શ્રેણીનું અંતર ઘટાડવાના ઈરાદાથી મેદાનમાં ઉતરશે.
પરંતુ અત્યારસુધીમાં વિદેશી ધરતી પર રમાયેલી અંતિમ ટેસ્ટ મેચોની વાત કરવામાં આવે તો, ભારતીય ટીમ આ મેચ જીતવામાં અસફળ રહી છે. આ દરમિયાન ભારતે કુલ ૧૩ ટેસ્ટ મેચ રમી છે જેમાં ૭માં હાર થઇ છે જયારે ૬ મેચો ડ્રો રહી છે.
ઈંગ્લેંડની ધરતી પર અત્યારસુધીમાં ભારતે બે ટેસ્ટ મેચ રમી છે પરંતુ આ બંને ટેસ્ટમાં ભારતીય ટીમનો હારનો સ્વાદ ચાખવો પડ્યો છે.
જો કે મહત્વની વાત એ છે કે, આ બંને ટેસ્ટ મેચ ઓવલના ગ્રાઉન્ડ પર જ રમાઈ છે, ત્યારે હવે શનિવારથી રમાનારી આ મેચમાં વિરાટ બ્રિગેડ પોતાનો રેકોર્ડ સુધારશે કે હેટ્રિક નોધાવશે.
ભારતીય ટીમે પોતાના ટેસ્ટ ઇતિહાસમાં અત્યારસુધીમાં કુલ ૩૪ મેચ અંતિમ ટેસ્ટના સ્વરૂપમાં રમી છે, જેમાં ૧૧માં હાર તો ૫ ટેસ્ટમાં જીત મળી છે, જયારે ૧૮ મેચ ડ્રો રહી છે.
ઓવલમાં ભારતીય ટીમનો રેકોર્ડ
ઈંગ્લેંડના ઓવલ ગ્રાઉન્ડ પર ૧૯૩૬ થી ૨૦૧૪ સુધીમાં ભારતે કુલ ૧૨ ટેસ્ટ રમી છે, જેમાં માત્ર ૧ મેચમાં જીત મળી છે, જયારે ૪માં હાર અને ૭ ડ્રો રહી છે.