આજે શેરબજારમાં નવા સપ્તાહની શરૂઆત ઘટાડાથી જોવા મળી. નવા સપ્તાહની શરૂઆત સાથે સેન્સેક્સ-નિફ્ટીમાં મજબૂત ઘટાડો જોવા મળી રહ્યો છે. બેંક નિફ્ટીમાં 200 પોઈન્ટના પ્રારંભિક ઘટાડાથી બજાર નીચે ખેંચાઈ ગયું હતું અને મિડકેપ્સમાં વધારા સાથે પણ બજાર વધુ ટેકો લઈ શક્યું નથી.
BSE સેન્સેક્સ 46.40 પોઈન્ટના ઘટાડા બાદ 71,437 ના સ્તરે ખુલ્યો હતો અને બજાર ખુલતાની સાથે જ તેમાં ભારે ઘટાડો થયો હતો. NSE નો નિફ્ટી 21.85 પોઈન્ટ અથવા 0.10 ટકાના ઘટાડા સાથે 21,434 ના સ્તર પર ખુલ્યો. સવારે 9.16 વાગ્યે સેન્સેક્સ 327.32 પોઈન્ટ અથવા 0.46 ટકાના જંગી ઘટાડા સાથે 71,156ના સ્તરે ટ્રેડ થઈ રહ્યો હતો. જ્યારે નિફ્ટી હાલમાં 79.35 પોઈન્ટ અથવા 0.37 ટકાની નબળાઈ સાથે 21,377ના સ્તરે ટ્રેડ થઈ રહ્યો હતો.
બીએસઈનો સેન્સેક્સ 43.08 પોઈન્ટ ઘટીને 71440ના લેવલે અને એનએસઈનો નિફ્ટી 18.60 પોઈન્ટ ઘટીને 21438ના લેવલે ટ્રેડ થઈ રહ્યો હતો. બેંક નિફ્ટીમાં આજે જોરદાર ઘટાડો જોવા મળ્યો હતો અને બજાર ખુલતાની સાથે જ બેંક નિફ્ટી 201 પોઈન્ટ ઘટીને 47942 ના સ્તર પર ટ્રેડ કરી રહ્યો હતો. જોકે, પાંચ મિનિટ પછી રિકવરી આવી હતી અને તે 48068ના સ્તરે આવી ગઈ છે. બેન્ક નિફ્ટીના 12માંથી 9 શેર ઘટાડા સાથે અને 3 શેર ઘટાડા સાથે ટ્રેડ થઈ રહ્યા હતા.
શેરબજારમાં છેલ્લા કેટલાય સપ્તાહથી જબરદસ્ત તેજી જોવા મળી રહી છે. છેલ્લા અઠવાડિયાની તેજીમાં ઘણા શેરોએ નવા શિખરો સર કર્યા છે. જેના કારણે સરકારી બેંક PNBના શેરને પણ ઘણો ફાયદો થયો છે અને આ સરકારી બેંકે પણ શેરબજારમાં એક રેકોર્ડ પોતાના નામે કર્યો છે. ગયા સપ્તાહના અંતિમ દિવસે, PNBના શેરમાં નોંધપાત્ર વધારો જોવા મળ્યો હતો. શુક્રવારે આ શેર 1.33 ટકાના વધારા સાથે રૂ. 91.10 પર બંધ થયો હતો. ટ્રેડિંગ દરમિયાન, એક તબક્કે PNBનો શેર 2 ટકાથી વધુ વધીને રૂ. 92 પર પહોંચ્યો હતો, જે તેની 52 સપ્તાહની નવી ઊંચી સપાટી છે. આ સપ્તાહની શરૂઆત ઘટાડા સાથે થતા રોકાણકારોમાં નિરાશા જોવા મળી છે.
