કોરોના વાયરસ સામે યુદ્ધમાં જીત મેળવનારા દેશોમાં ફરી એકવાર લોકડાઉનનું સંકટ આવ્યું છે. કોરોના વાયરસના અત્યંત ચેપી ડેલ્ટા વેરિઅન્ટના વધતા જતા કેસોને કારણે, લોકડાઉન ફરીથી લાદવું પડ્યું છે. લગભગ સામાન્ય સ્થિતિમાં પરત ફરી ગયેલા ઓસ્ટ્રેલિયાના સૌથી મોટા શહેર સિડનીને શનિવારે બે અઠવાડિયા માટે લોકડાઉનમાં મુકવામાં આવ્યા છે. ઓસ્ટ્રેલિયામાં કોરોનાના ડેલ્ટા વેરિઅન્ટનો ફેલાવો ઝડપથી વધી રહ્યો છે અને તેના ફેલાવાને રોકવા માટે અહીં બે સપ્તાહનું કડક લોકડાઉન લગાવાયુ છે. સિડનીમાં અત્યાર સુધીમાં કોરોનાના ડેલ્ટા વેરિઅન્ટના કુલ 80 કેસ નોંધાયા છે.
સિડની શહેરની એક મિલિયનથી વધુ વસ્તી હાલમાં લોકડાઉનની છાયામાં છે. આરોગ્ય અધિકારીઓ કહે છે કે લોકડાઉન જરૂરી હતું કારણ કે શહેરમાં ડેલ્ટા વેરિએન્ટના કેસો ઝડપથી વધી રહ્યા છે. આ કરીને કોરોનાના વધતા જતા કેસો ઘટાડી શકાય છે. આપને જણાવી દઈએ કે સિડનીમાં આવા ચેપના 65 કેસ મળી આવ્યા છે, જે બે અઠવાડિયા પહેલા ચેપ લાગેલા કાર ડ્રાઇવર સાથે સંબંધિત છે, જેણે સિડની એરપોર્ટથી આંતરરાષ્ટ્રીય ફ્લાઇટના ક્રૂ સભ્યોને ક્યુરેન્ટાઇન હોટલ લઈ ગયા હતા.
માનવામાં આવતું હતું કે કોરોનાને નિયંત્રિત કરવામાં વિશ્વમાં ઓસ્ટ્રેલિયા મોખરે છે. અહીં સરહદો બંધ કરીને, શારીરિક અંતર અને કોરોનાના અન્ય નિયમોને અનુસરીને સખત રીતે પાલન કરવામાં આવી રહ્યું છે. આને કારણે, ઓસ્ટ્રેલિયામાં અત્યાર સુધીમાં કુલ 30,400 કેસ કોરોના ચેપના અને ફક્ત 910 લોકોના મોત નોંધાયા છે.
ઇઝરાયેલે કોરોના વાયરસના નવા ડેલ્ટા વેરિઅન્ટના ફેલાવાને ધ્યાનમાં રાખીને બંધ જાહેર સ્થળોએ માસ્ક પહેરવાનો નિયમ ફરીથી રજૂ કર્યો છે. ઇઝરાઇલમાં પુખ્ત વસ્તીના 85 ટકા લોકોને રસી આપવામાં આવી છે અને તાજેતરમાં તેમણે દેશમાં તમામ કોરોના પ્રતિબંધોને સમાપ્ત કર્યા છે. પરંતુ હવે દેશમાં કેસ વધવા લાગ્યા છે. ચાર દિવસમાં, દરરોજ સો કરતાં વધુ કેસ નોંધાયા છે, જેમાં ગુરુવારે મળેલા 227 કેસ સામેલ છે.
એપ્રિલ સુધી ફીજીમાં એક પણ કેસ ન મળ્યા બાદ ચેપના કેસોમાં વધારો થવા માંડ્યો છે અને ગુરુવારે 300 નવા કેસ સામે આવ્યા છે. આનું કારણ ડેલ્ટા વેરિઅન્ટ કહેવામાં આવી રહ્યું છે. આફ્રિકાના ઓછામાં ઓછા એક ડઝન દેશોમાં ચેપ પણ ઝડપથી વધી રહ્યો છે જે રોગચાળાના સૌથી ખરાબ તબક્કામાં બચી ગયા છે. તે ત્રણ અઠવાડિયામાં રેકોર્ડ સ્તરે પહોંચવાની ધારણા છે. આ ખંડના 14 દેશોમાં ડેલ્ટા વેરિઅન્ટના કેસો મળી આવ્યા છે.
