ઉલ્લેખનીય છે કે, આઝાદીના અમૃત મહોત્સવ અંતર્ગત PM મોદીએ એકસાથે 75 સેટેલાઈટ દેશની જુદી-જુદી યુનિવર્સિટીઓ લોન્ચ કરે તેવું આહ્વાન કર્યું હતું, જેના ભાગરૂપે ભારત સરકાર જુદી-જુદી યુનિવર્સિટીના વિદ્યાર્થીઓ તેમજ ઇસરોની મદદથી એકસાથે 75 સેટેલાઈટ લોન્ચ કરશે. એવિએશન તેમજ સ્પેસ રિસર્ચ ક્ષેત્રમાં વિદ્યાર્થીઓની રૂચિ વધે એ માટે PM મોદી દ્વારા આહ્વાન કરાયું હતું
આ 75 સેટેલાઈટ લોન્ચ કરવામાં અમદાવાદમાં આવેલ ગુજરાત ટેક્નોલોજીકલ યુનિવર્સિટી અને ગુજરાત યુનિવર્સિટીનાં વિદ્યાર્થીઓને ભાગ લેશે. અને ISROના સહયોગી બનશે. રાજ્યની બે યુનિવર્સિટીના વિદ્યાર્થીઓને ઇસરોના વૈજ્ઞાનિકો સાથે કામ કરવાની તક મળશે. આ સેટેલાઈટના તમામ ડેટા GTUનાં કેમ્પસમાં રીસિવ થશે. સેટેલાઈટના ડેટા રિસીવ કરવા માટે 2 હજાર સ્કેવર ફૂટની જગ્યામાં સેટઅપ તૈયાર કરાશે. 1 સેટેલાઈટ લોન્ચ કરવા માટે અંદાજે 1 કરોડ રૂપિયાનો ખર્ચ થશે. તમામ 75 સેટેલાઈટ દેશની જુદી-જુદી યુનિવર્સિટીઓ દ્વારા લોન્ચ કરાશે.
વિદ્યાર્થીઓ ઈસરોની મદદથી 2 કિલોનાં ક્યૂબ સેટેલાઈટ લોન્ચ કરશે. GTUનાં 60 જેટલા વિદ્યાર્થીઓને ભારત સરકારના પ્રોજેક્ટમાં કામ કરવાની તક મળશે. GTU દ્વારા છોડવામાં આવનાર સેટેલાઈટ ક્લાઇમેટ ચેન્જ ક્ષેત્રે કામ કરશે. સેટેલાઈટના તમામ ડેટા GTUનાં કેમ્પસમાં રીસિવ થશે. સેટેલાઈટના ડેટા રિસીવ કરવા માટે 2 હજાર સ્કેવર ફૂટની જગ્યામાં સેટઅપ તૈયાર કરવામાં આવશે. મહત્વનું છે કે, પ્રથમ વખત વિદ્યાર્થીઓ સેટેલાઈટ ક્ષેત્રે ISRO નાં વૈજ્ઞાનિકો સાથે રહી કામ કરશે. ઇન્ડિયન સ્પેસ રિસર્ચ ઓર્ગેનાઇઝેશનની મદદથી આ સેટેલાઇટ બનાવવામાં આવશે. અવકાશમાં એકસાથે 75 સેટેલાઇટ ક્લાઈમેટ ચેન્જ અને વિવિધ રિસર્ચ માટે તરતા મૂકવામાં આવશે.
1 સેટેલાઈટ લોન્ચ કરવા માટે અંદાજે 1 કરોડ રૂપિયાનો ખર્ચ થશે. તમામ 75 સેટેલાઈટ દેશની જુદી-જુદી યુનિવર્સિટીઓ દ્વારા લોન્ચ કરાશે. 80 ટકા ખર્ચ જે તે યુનિવર્સિટી ભોગવશે, જ્યારે 20 ટકા ખર્ચ માટે રાજ્ય સરકાર મદદ કરશે. ભારત સરકાર દ્વારા સ્પેસ ટેકનોલોજીના જે કામ થઈ રહ્યું છે, તેનો વિદ્યાર્થીઓને લાભ મળશે. ઓપન સિલેકશનના માધ્યમથી 60 જેટલા GTU હસ્તકની કોલેજના વિદ્યાર્થીઓને આ પ્રોજેક્ટમાં કામ કરવાની તક અપાશે. 6 મહિનામાં સેટેલાઈટ લોન્ચિંગ માટેની કામગીરી પૂરી કરી એક વર્ષમાં પ્રોજેક્ટ પૂર્ણ કરવામાં આવશે. ISRO સહિતની સંસ્થાઓ વિદ્યાર્થીઓને મદદ કરશે. સેટલાઈટ બનાવવામાં અને છોડ્યા બાદ કોઈ ટેકનિકલ ખામી આવે તેમાં ISROનાં વૈજ્ઞાનિકો મદદ કરશે. સેટેલાઈટનાં જે ડેટા હશે, એ GTU કેમ્પસમાં બનાવેલા સેટઅપમાં રીસિવ થશે. સોફ્ટવેરમાં આવેલા ડેટાનું એનાલીસિસ વિદ્યાર્થીઓ દ્વારા કરવામાં આવશે. સેટેલાઈટ લોન્ચ કરવા માટે નવેમ્બરનાં અંત સુધીમાં તમામ પ્રક્રિયાઓ પૂર્ણ કરવામાં આવશે. ગુજરાત યુનિવર્સિટી અને GTUનાં વિદ્યાર્થીઓ ઈસરોની મદદથી બે કિલોનાં ક્યૂબ સેટેલાઈટ લોન્ચ કરશે.
ગુજરાત યુનિવર્સિટી તરફથી જે સેટેલાઈટ લોન્ચ થશે તેનું ગ્રાઉન્ડ સ્ટેશન ગુજરાત યુનિવર્સિટી પરિસરમાં હશે. PRL અને ઈસરોનાં વૈજ્ઞાનિકોનાં માર્ગદર્શનમાં યુનિવર્સિટીના વિદ્યાર્થીઓ કામ કરશે. સેટેલાઈટ 3 વર્ષ સુધી ગ્રાઉન્ડ સ્ટેશન પર ડેટા મોકલશે. સેટેલાઈટ ભારત સિવાય અન્ય દેશ પરથી પણ પસાર થશે એટલે એ પણ ડેટા ગ્રાઉન્ડ સ્ટેશન પર રીસિવ થશે.
