Gujarat Weather: ગુજરાતમાં ચોમાસા (Monsoon)ના આગમન અંગે હવામાન નિષ્ણાતોએ જણાવ્યું હતું કે જૂનના છેલ્લા અઠવાડિયામાં વરસાદની શક્યતા છે. જેમાં દક્ષિણ ગુજરાતના કેટલાક ભાગોમાં વરસાદ (Rain) પડી શકે છે. હાલમાં રાજ્યમાં પશ્ચિમથી ઉત્તર-પશ્ચિમ પવનો ફૂંકાઈ રહ્યા છે. ત્યારબાદ આગામી સાત દિવસમાં કેટલાક સ્થળોએ વરસાદ પડી શકે છે.
હવામાન વિભાગ (IMD)નાં જાણકારો મુજબ, હાલમાં રાજ્યમાં વરસાદ માટે કોઈ સિસ્ટમ સક્રિય નથી. ભેજને કારણે વરસાદ પડી રહ્યો છે. અમદાવાદ કેન્દ્રીય હવામાન વિભાગના ડિરેક્ટર એ.કે. દાસે જણાવ્યું હતું કે આગામી સાત દિવસ સુધી સૌરાષ્ટ્ર, દક્ષિણ અને ઉત્તર ગુજરાતમાં હળવો થી મધ્યમ વરસાદ પડી શકે છે. આ સાથે 9 થી 12 જૂન દરમિયાન ગુજરાતના દરિયાકાંઠાના વિસ્તારોમાં વરસાદની સ્થિતિ રહેશે. આ સાથે, હવામાન વિભાગે જણાવ્યું હતું કે 12 થી 18 જૂન દરમિયાન ગુજરાતમાં ચોમાસુ આવી શકે છે.
ગુજરાતમાં છૂટાછવાયો વરસાદ પડી રહ્યો છે. પ્રી-મોન્સૂન એક્ટિવિટીને કારણે રાજ્યમાં હળવો વરસાદ પડી રહ્યો છે. દરમિયાન, હવામાન વિભાગે વરસાદની આગાહી કરી છે કે આગામી થોડા દિવસોમાં રાજ્યમાં હવામાન બદલાઈ શકે છે. તેથી, આજે વલસાડ, નવસારી, ડાંગ અને સુરત સહિત રાજ્યના ઘણા જિલ્લાઓમાં વરસાદ પડી શકે છે. જ્યારે સૌરાષ્ટ્ર અને કચ્છમાં હળવો વરસાદ થવાની સંભાવના છે.
હવામાન નિષ્ણાતે જણાવ્યું હતું કે દક્ષિણ સૌરાષ્ટ્ર, દક્ષિણ ગુજરાત, મધ્ય ગુજરાતના કેટલાક ભાગોમાં વરસાદની સંભાવના છે. 15મી તારીખથી રાજ્યમાં ભારે વરસાદની સંભાવના છે. 15મી થી 22મી તારીખ સુધી રાજ્યના મોટાભાગના જિલ્લાઓમાં ભારેથી અતિ ભારે વરસાદની સંભાવના છે. તેથી, રાજ્યના મોટાભાગના વિસ્તારોમાં વરસાદની સંભાવના છે. હવામાન વિભાગ દ્વારા આપવામાં આવેલી માહિતી અનુસાર, 10 થી 12 જૂન ગુજરાતના અમરેલી, ભાવનગર, ગીર સોમનાથ, તાપી, ડાંગ, વલસાડ, નવસારી, દમણ અને દાદરા નગર હવેલીમાં ગાજવીજ સાથે વરસાદ પડી શકે છે.
આ પણ વાંચો:આગામી 5 દિવસ ગાજવીજ સાથે વરસાદ વરસશે, ગરમીનો પારો પણ વધશે
આ પણ વાંચો:ગુજરાત રાજ્યમાં આજે વરસાદી ઝાપટું પડશે, હવામાન વિભાગની મોટી આગાહી
આ પણ વાંચો:બરફ જેવા નાના આકારનાં કરાનું વિજ્ઞાન જાણો
