સુપ્રીમ કોર્ટે આજે મહારાષ્ટ્ર વિધાનસભાના અધ્યક્ષને અનુક્રમે 31 ડિસેમ્બર, 2023 અને 31 જાન્યુઆરી, 2024 સુધીમાં શિવસેના અને રાષ્ટ્રવાદી કોંગ્રેસ પાર્ટીના બળવાખોર ધારાસભ્યોના સંબંધમાં દાખલ કરવામાં આવેલી ગેરલાયકાતની અરજીઓનો નિર્ણય લેવાનો નિર્દેશ આપ્યો હતો. ભારતના મુખ્ય ન્યાયાધીશ ડીવાય ચંદ્રચુડની આગેવાની હેઠળની બેંચ એકનાથ શિંદે અને અજિત પવાર જૂથો સામે શિવસેના (ઉદ્ધવ ઠાકરે)ના સભ્ય સુનીલ પ્રભુ અને એનસીપી (શરદ પવાર)ના સભ્ય જયંત પાટીલ દ્વારા દાખલ કરાયેલી અયોગ્યતાની અરજીઓ પર સ્પીકર દ્વારા ઝડપથી નિર્ણય લેવાની માંગ કરતી રિટ પિટિશનની સુનાવણી કરી રહી હતી.
આજે સુપ્રીમકોર્ટમાં બળવાખોર ધારાસભ્યોને લઈને કરવામાં આવેલ અરજી પર સુનાવણી કરવામાં આવી હતી. દરમ્યાન કોર્ટે બળવાખોર ધારાસભ્યોને લઈને ડિસેમ્બરના અંત સુધીમાં નિર્ણય લેશે તેમ જણાવતા એકનાથ શિંદે સરકાર વધુ મુશ્કેલીમાં મૂકાઈ શકે છે. કોર્ટે વિધાનસભાના અધ્યક્ષ રાહુલ નાર્વેકરને 31 ડિસેમ્બરનું અલ્ટીમેટમ આપ્યું છે. સુપ્રીમ કોર્ટના આ વલણ બાદ મહારાષ્ટ્રના રાજકારણમાં ફરી મોટી ઉથલપાથલ થવાની શક્યતાઓ જોવા મળી શકે.
તાજેતરમાં મહારાષ્ટ્ર સચિવાલય દ્વારા એક એફિડેવિટ દાખલ કરવામાં આવી હતી. આ એફિડેવિટ મુજબ દિવાળીની રજાઓ અને ગૃહના શિયાળુ સત્રને કારણે, 29 ફેબ્રુઆરી, 2024ના રોજ નિર્ણય લેવામાં આવશે. બાર અને બેંચના જણાવ્યા અનુસાર, સોમવારે સુપ્રીમ કોર્ટે 24 જાન્યુઆરી 2024 સુધીમાં શિવસેનાના બળવાખોર ધારાસભ્યો અને રાષ્ટ્રવાદી કોંગ્રેસ પાર્ટી એટલે કે એનસીપીના ધારાસભ્યોને ગેરલાયક ઠેરવવા અંગે 31 ડિસેમ્બર 2024 સુધીમાં નિર્ણય લેવા જણાવ્યું છે.
ચીફ જસ્ટિસ ઑફ ઈન્ડિયા (CJI) DY ચંદ્રચુડ અને જસ્ટિસ જેપી પારડીવાલાએ આ કેસની સુનાવણી કરી હતી. કોર્ટે કહ્યું, ‘અમે 10મી યાદી હેઠળની કાર્યવાહી પૂર્ણ કરવા માટે સ્પીકરને વારંવાર સમય આપ્યો છે. જ્યારે હવે મહારાષ્ટ્ર સચિવાલય દ્વારા એફિડેવિટ દાખલ કરવામાં આવી છે. તેમાં કહેવામાં આવ્યું છે કે ગેરલાયકાતની અરજીઓ સાથે બે જૂથો છે. એક શિવસેના અને એક એનસીપી.
આ મહિને પણ સુપ્રીમ કોર્ટે કેસમાં વિલંબને કારણે સ્પીકરને ઠપકો આપ્યો હતો. તે દરમિયાન કોર્ટે સોલિસિટર જનરલ તુષાર મહેતા અને મહારાષ્ટ્રના એડવોકેટ જનરલ ડૉ. વીરેન્દ્ર સરાફને સમયરેખા નક્કી કરવા માટે સ્પીકરને સલાહ આપવા કહ્યું હતું. કોર્ટે કહ્યું હતું કે જો આવું ન થાય તો બેંચ સમયમર્યાદા નક્કી કરશે.
NCPમાં વિભાજન થતાં સુનીલ પ્રભુએ અરજી દાખલ કરી હતી. અજિત પવાર ભારતીય જનતા પાર્ટીમાં જોડાયા અને શરદપવારે શિવસેના સરકારને ટેકો આપ્યો. આમ એનસીપીમાં ભંગાણ થતા સુનીલ પ્રભે અરજીમાં કહ્યું કે આ વર્ષે 11 મેના રોજ સુપ્રીમ કોર્ટની બંધારણીય બેંચે સ્પીકરને પેન્ડિંગ ગેરલાયકાતની અરજીઓ પર નિયત સમયમાં નિર્ણય આપવાનું કહેવા છતાં આજ સુધી આવું કોઈ પગલું ભરવામાં આવ્યું નથી તેમ ઉલ્લેખ કર્યો. એક તરફ મુખ્યમંત્રી એકનાથ શિંદેના જૂથે અયોગ્યતાના કેસમાં 34 અરજી દાખલ કરી છે. તે જ સમયે, ઠાકરે અને એનસીપીએ 56 ધારાસભ્યોને ગેરલાયક ઠેરવવા માટે અરજી દાખલ કરી છે.
આ પણ વાંચો : UP ACCIDENT/ ઉ.પ્ર.માં સ્કૂલ બસ અને વાન વચ્ચે જોરદાર ટક્કર, ચાર બાળકો સહિત પાંચના મોત
આ પણ વાંચો : Heart Attack/ રાજ્યના યુવાનોમાં હાર્ટએટેકથી થતા મોતનો સિલસિલો યથાવત્
આ પણ વાંચો : PM Modi-North Gujarat/ નર્મદાના પાણીથી પાણીદાર બન્યું ઉત્તર ગુજરાતઃ પીએમ મોદી
