સુરતનાં ઉકાઈ ડેમમાં પાણીની આવકમાં વધારો થયો છે. ઉપરવાસમાં ભારે વરસાદને લઈને પાણીની આવકમાં વધારો થયો છે. વરસાદ હાલ પણ અવિરત વરસી રહ્યો છે. પાછલા 24 કલાકમાં જ નંદુરબાર, ચીખલધરા, ટેસ્કા અને ઉકાઈ ડેમ પરિસરમાં 3 ઈંચથી વધુ વરસાદ ખાબક્યો હતો.
આગામી 5 દિવસ સુધી ડેમમાં પાણીની આવક ચાલુ રહેશે તેવો તંત્ર દ્વારા અંદાજ છે. જેના પગલે મહારાષ્ટ્રનાં હાથનુંર ડેમમાંથી 1 લાખ ક્યુસેક પાણી છોડવામાં આવ્યું છે. તાપી નદી પરનો હાથનુંર ડેમ ભયજનક સપાટીએ પહોંચી છે.
ઉકાઇ ડેમ કેચમેન્ટ એરીયામાં ભારે પાણીની અવિરત આવકને કારણે ડેમ છલોછલ છે. ઉપરવાસમાંથી છોડવામાં આવી રહેલ પાણીને કારણે ડેમ સુરક્ષાને ધ્યાનમાં રાખી ઉકાઇ ડેમમાંથી પણ અવિરત પાણી છોડવામાં આવી રહ્યું છે.
તાપી નદી ભયજનક સપાટીએ વહી રહી છે. ભારે બહાવનાં કારણે અને આગામી દિવસોમાં પણ પાણીનો પ્રવાહ અવિરત વધવાની સંભાવનાને લઈને તાપી કિનારાના વિસ્તારોને એલર્ટ કરવામાં આવ્યા છે.
સુરતઃ ઉકાઈ ડેમમાં પાણીની આવકમાં વધારો
ઉપરવાસમાં ભારે વરસાદને લઈને પાણીની આવકમાં વધારો
નંદુરબાર, ચીખલધરા,ટેસ્કા અને ઉકાઈ ડેમ પરિસરમાં 3 ઈંચ વરસાદ
આગામી 5 દિવસ સુધી ડેમમાં પાણીની આવક ચાલુ રહેશે
મહારાષ્ટ્રના હાથનુંર ડેમમાંથી 1 લાખ ક્યુસેક પાણી છોડાયુ
તાપી નદી પરનો હાથનુંર ડેમ ભયજનક સપાટીએ
હાથનુંર ડેમ 211.21 મીટરે પહોંચ્યો
ઉકાઈ ડેમમાં પાણીની આવક 1.42 લાખ નોંધાઈ
ઉકાઈ ડેમમાં પાણીની જાવક 1.42 લાખ જાવક નોંધાઈ
ઉકાઈની જળસપાટી 339.83 ફૂટ
ડેમમાંથી 1.42 લાખ ક્યુસેક પાણી છોડવામાં આવ્યું
તાપી કિનારાના વિસ્તારોને એલર્ટ કરવામાં આવ્યા
સુરત જિલ્લા કલેક્ટરે ઓડિયો મેસેજ દ્વારા લોકોને સૂચના આપી
નીચાવાળા વિસ્તારના લોકોને એલર્ટ રહેવા કરી સૂચના
નીચે આપેલી લીંક પર ક્લિક કરીને જોડાવ મંતવ્ય ન્યૂઝ સાથે…
તમે અમને ફેસબુક, ટ્વીટર, ઇન્સ્ટાગ્રામ અને યુ ટ્યુબ પર પણ લાઇક અને ફોલો કરી શકો છો.
લેટેસ્ટ ન્યૂઝ અપડેટ્સ આપના ફોન પર સૌથી ઝડપી મેળવવા માટે આજે જ ડાઉનલોડ કરો “મંતવ્ય ન્યૂઝ” ની નવી મોબાઇલ એપ્લિકેશન
