Surat News: સુરતના નાસિરનગર વિસ્તારમાં થયેલા ડિમોલિશન (Surat Nasir Nagar Demolition) મામલે ગુજરાત હાઇકોર્ટ (Gujarat High Court)માં મહત્વપૂર્ણ સુનાવણી હાથ ધરાઈ હતી. સુનાવણી દરમિયાન કોર્ટે સુરત મહાનગરપાલિકા અને રાજ્ય સરકાર સમક્ષ અનેક ગંભીર પ્રશ્નો ઉઠાવ્યા હતા. મનપા તરફથી સંતોષકારક જવાબ ન મળતાં કોર્ટે નારાજગી પણ વ્યક્ત કરી હતી.
સુનાવણી દરમિયાન રાજ્ય સરકારે કોર્ટમાં એફિડેવિટ રજૂ કરીને સમગ્ર મામલે તપાસ ચાલુ હોવાનું જણાવ્યું હતું. સરકારે કોર્ટને ખાતરી આપી હતી કે ઘટનાના તમામ પાસાઓની તપાસ થઈ રહી છે અને જરૂરી કાર્યવાહી કરવામાં આવશે.
Surat Nasir Nagar Demolition: હાઇકોર્ટના સરકાર અને મનપાને તીખા સવાલ
સુનાવણી દરમિયાન હાઇકોર્ટે પૂછ્યું હતું કે ડિમાર્કેશન જેવી કાર્યવાહી માટે આટલી મોટી સંખ્યામાં પોલીસ દળની જરૂર કેમ પડી? ઉપરાંત ડિમોલિશન (Surat Nasir Nagar Demolition) પહેલાં વિસ્તારની વીજળી કોના આદેશથી કાપવામાં આવી હતી તે અંગે પણ સ્પષ્ટતા માંગવામાં આવી હતી.
કોર્ટે વધુમાં સવાલ કર્યો હતો કે ઘટનાને એક મહિનો વીતી ગયો હોવા છતાં અત્યાર સુધી તપાસમાં શું પ્રગતિ થઈ છે? તેમજ ઉચ્ચ અધિકારીઓ કોના આદેશથી સ્થળ પર હાજર રહ્યા હતા તે અંગે પણ જવાબ માંગ્યો હતો.
સુનાવણી દરમિયાન રાજ્યના એડવોકેટ જનરલ કમલ ત્રિવેદી કોર્ટ (Gujarat High Court)માં હાજર રહ્યા હતા. તેમણે કોર્ટ સમક્ષ રજૂઆત કરતાં જણાવ્યું હતું કે જે બન્યું તે બનવું જોઈએ નહીં અને સમગ્ર મામલે તપાસ ચાલી રહી છે.
હાઇકોર્ટે (Gujarat High Court) ખાસ કરીને ડિમોલિશન (Surat Nasir Nagar Demolition)થી અસરગ્રસ્ત ગરીબ પરિવારોની સ્થિતિ અંગે પણ ચિંતા વ્યક્ત કરી હતી અને તેમના પુનર્વસન તથા અન્ય જરૂરી મુદ્દાઓ અંગે સરકાર અને મનપા પાસેથી સ્પષ્ટ જવાબ માંગ્યા હતા.
મનપા તરફથી યોગ્ય અને સંતોષકારક જવાબ રજૂ ન થતાં કોર્ટે અસંતોષ વ્યક્ત કર્યો હતો. હવે આગામી સુનાવણીમાં સરકાર અને સંબંધિત વિભાગો તરફથી વધુ વિગતવાર અહેવાલ રજૂ કરવામાં આવે તેવી શક્યતા છે.
આ પણ વાંચો:સુરતના નાસિરનગર ડિમોલિશન વિવાદમાં નવો વળાંક, મ્યુનિસિપલ કમિશનરને દિલ્હી બોલાવાયા
આ પણ વાંચો:સુરતના નાસિરનગર વિસ્તારમાં થયેલા અયોગ્ય ડિમોલિશનને લઈને કોર્ટમાં અરજી
આ પણ વાંચો:નાસિરનગર મુદ્દે ભાજપમાં ગરમાવો, ભાજપ નેતાની પોસ્ટથી વિવાદ
