ANNECY Solar Plant Controversy : સુરેન્દ્રનગરના ધ્રાંગધ્રા અને મોટી માલવણ ગામ વિસ્તારમાં સ્થિત ANNECY સોલર પ્લાન્ટ સામે સ્થાનિક લોકોમાં મોટો પ્રતિકાર ઉભરાયો છે. ખેડૂતો અને રહેવાસીઓએ આ પ્લાન્ટ પર કાયદા અને પર્યાવરણના નિયમોનું ઉલ્લંઘન કરવાનો આક્ષેપ કર્યો છે.
ANNECY સોલર પ્લાન્ટ દ્વારા નિયમોનું ઉલ્લંઘન
આક્ષેપ કરવામાં આવ્યા છે કે પ્લાન્ટ દ્વારા ખેડૂતના ખેતરમાં વીજપોલ નાખી વળતર ચુકવવામાં આવ્યું નથી અને ઘુડખર અભ્યારણ્ય વિસ્તારની નજીક હોવા છતાં નિયમોનું પાલન કરવામાં આવ્યું નથી. સોલર પ્લાન્ટના હેવી વીજ વાયર શાળા નજીકથી પસાર થવાનો પણ આરોપ કરવામાં આવ્યો છે, જે વિદ્યાર્થીઓની સલામતી માટે પણ જોખમરૂપ છે.
ED ટીમ તપાસમાં
સ્થાનિકોએ જણાવ્યું કે, સરકારી જમીન પર ગેરકાયદે માર્ગ બનાવવામાં આવ્યો છે અને તેનો ઉપયોગ કરવામાં આવી રહ્યો છે. આ મામલે અનેક વખત ગ્રામજનો દ્વારા રજૂઆત કરવામાં આવી હોવા છતાં હજુ સુધી કોઈ કડક કાર્યવાહી થઈ નથી. આ વિવાદિત સોલર પ્લાન્ટ હવે ED ટીમની રડારમાં આવી ચુક્યો છે અને સ્થાનિકોએ સરકારને વ્યાપક તપાસ કરવા માટે વિનંતી કરી છે.
