Ahmedabad News:અમદાવાદ શહેરમાં અસામાજિક તત્વોનો આતંક વધતો જોવા મળી રહ્યો છે. હીરાવાડી વિસ્તારમાં એક ઓફિસમાં બેઠેલા યુવાન પર કેટલાક શખ્સોએ અચાનક હુમલો (Office Attack CCTV) કર્યો હતો.જૂની અદાવત રાખીને આશરે આઠ અસામાજિક તત્વોના એક જૂથે એક ઓફિસમાં ઘૂસીને લાકડીઓ અને ઘાતક હથિયારોનો ઉપયોગ કરીને એક યુવાન પર જીવલેણ હુમલો કર્યો હતો.આ ઘટનામાં રાહુલ મરાઠી અને પ્રમોદ મરાઠી સહિત આઠ વ્યક્તિઓએ ફરિયાદી મલખાન સિંહ ચૌહાણની ઓફિસ પર હુમલો કર્યો હતો.
હીરાવાડીમાં ઓફિસમાં બેઠેલા યુવાન પર હુમલો કર્યો
તપાસમાં બહાર આવ્યું છે કે શાહપુર-કોટડા વિસ્તારમાં અગાઉ થયેલા ઝઘડાનો બદલો લેવા માટે આ હુમલો (Office Attack CCTV) કરવામાં આવ્યો હતો.આ સમગ્ર ઘટના ઓફિસમાં લગાવેલા CCTV કેમેરામાં કેદ થઈ ગઈ હતી.જેમાં હુમલાખોરો લાકડીઓથી મારામારી કરી રહ્યા છે. આ હુમલાખોરો ભીડભાડવાળી ઓફિસમાં ઘૂસી ગયા હતા જેના કારણે સમગ્ર વિસ્તારમાં ભયનો માહોલ સર્જાયો છે.
પોલીસ તપાસ દરમિયાન આ કેસમાં સૌથી મોટો વળાંક ત્યારે આવ્યો જ્યારે જાણવા મળ્યું કે જે યુવક પર હુમલો કરવામાં આવ્યો હતો તે મલખાન સિંહ ચૌહાણપોતે શહેરકોટડા પોલીસ સ્ટેશનમાં નોંધાયેલા ગુનાના સંબંધમાં વોન્ટેડ ભાગેડુ છે. બાપુનગર જાણકારી અનુસાર, ફરિયાદીએ પોસ્ટલ મેઇલ દ્વારા પોતાની ફરિયાદ નોંધાવી હતી. થોડા દિવસ પહેલા જ શાહપુર-કોટડા પોલીસ સ્ટેશનમાં ફરિયાદી સામે હુમલો કરવાનો કેસ નોંધવામાં આવ્યો હતો. હાલમાં, આરોપી હુમલાખોરો અને હુમલો કરનાર ફરિયાદી બંને ફરાર છે અને પોલીસ કસ્ટડીથી બચી રહ્યા છે.હાલમાં પોલીસે ઉપલબ્ધ CCTV ફૂટેજના (Office Attack CCTV) આધારે તમામ ફરાર આરોપીઓની શોધ કરી રહ્યા છે. પોલીસે આ ઘટના અંગે ગુનો નોંધીને તપાસ શરૂ કરી છે.
